ەۋروكوميسسيانىڭ باسەكەلەستىك ماسەلەلەرى بويىنشا ەۋروكوميسسارى مارگرەت ۆەستاگەر مەكەمەنىڭ امازون پلاتفورماسىندا جۇمىس جاسايتىن شاعىن ينتەرنەت-دۇكەندەردىڭ مالىمەتتەرىن ادىلەتسىز باسەكەلەستىك ءۇشىن قولدانىپ-قولدانباۋى تۋرالى اقپارات جيناپ جاتقانىن جەتكىزدى.
امازونداعى تاۋاردىڭ جارتىسىنان كوبى شاعىن نەمەسە ورتا عالامتور-دۇكەندەرى ارقىلى ساتىلادى. ەگەر ەۋروكوميسسيا ەۋرووداقتىڭ مونوپولياعا قارسى زاڭناماسىنىڭ بۇزىلعانىن راستاعان جاعدايدا, كومپانيا جىلدىق ساتىلىم كولەمىنىڭ 10%-ى كولەمىندە ايىپپۇل تولەۋى ءتيىس بولادى.
مارگرەت ۆەستاگەردىڭ ايتۋىنشا, كولدەنەڭ كومپانيالار امازون تابىسىنىڭ ماڭىزدى بولىگى. ولار 2018 جىلدىڭ ەكىنشى جارتىسىندا-اق 9,7 ملرد. اقش دوللارى كولەمىندە پايدا الىپ كەلگەن. بۇل كورسەتكىش بىلتىرعى جىلمەن سالىستىرعاندا 40%-عا كوپ. كومپانيا بۇل تۋرالى سۇراققا ءالى جاۋاپ بەرمەگەن. ەستەرىڭىزگە سالساق, امازون اقش پرەزيدەنتىنىڭ دە سىنىنا ۇشىراپ, امەريكانىڭ باس پروكۋرورى دجەفف سەسسيون ينتەرنەت ساۋداسىنىڭ الىبىنىڭ جۇمىسىن تەكسەرۋگە دايىن ەكەنىن ايتقان بولاتىن.