ءبىلىم جارىسىندا بولاشاق ەكونوميستەر

ال جارىسقا قاتىسۋشىلار ەلباسى ن.نازارباەۆتىڭ «باسەكەگە قابىلەتتى قوعام ورناتۋدىڭ نەگىزى — بىلىمدە» دەگەن ءسوزى جادىندا ەكەنىن جاقسى اڭعارتتى. ءۇشىنشى رەت ۇيىمداستىرىلىپ وتىرعان ءبىلىم جارىسى بيىل العاش رەت حالىقارالىق دەڭگەيگە كوتەرىلدى. شىمكەنتتەگى ءبىلىم جارىسى جونىندە عالامتور ارقىلى حاباردار بولعان, رەسەيدىڭ بەلگورود, ليپەتسك جانە نوۆوسيبيرسك قالالارىندا تۇراتىن جاسوسپىرىمدەر قاتىسۋعا وتىنىشتەرىن جىبەرىپتى. ياعني, ولار جارىسقا ۆيرتۋالدى تۇردە, عالامتور ارقىلى قاتىستى. ال وقۋشىلار شەشەتىن ەسەپ بىلىكتى مامانداردىڭ قاتىسۋىمەن قۇرىلعان. سۇراقتارعا بەرىلگەن جاۋاپتى كوميسسيا ەمەس, كومپيۋتەر باعالادى. دۇرىس, بۇرىسىن انىقتايتىن باعدارلامانى دا سول جارىسقا قاتىساتىن جاسوسپىرىمدەردىڭ وزدەرى جاساعان. وسىدان-اق قاتىسۋشى جاستاردىڭ ءبىلىم دەڭگەيى جوعارى ەكەنىن اڭعاراسىز.

جوعارىدا حالىقارالىق جارىس شەرحان ەگىزباەۆ اتىندا ەكەنىن ايتتىق. 26 جاسىندا ومىردەن وتكەن شەرحان مۇقان ۇلى مۇحاممەد حايدار دۋلاتي اتىنداعى № 8 مەكتەپ-گيمنازياسىنىڭ تۇلەگى. قىسقا دا جارقىن عۇمىرىندا بيىك بەلەستەردى باعىندىرعان جاس دارىن بىرنەشە حالىقارالىق وليمپيادالاردا جۇلدەگەر اتاندى. الەمنىڭ ۇزدىك ءبىلىم وردالارىندا ءبىلىم الدى. از ۋاقىتتا ءوزىنىڭ ءبىلىمدى ەكونوميست ەكەنىن كورسەتتى. ينۆەستيتسيا جانە دامۋ مينيسترلىگىندە جاۋاپتى قىزمەتكە شاقىرىلىپ جانە ونى ءمىنسىز اتقاردى. عىلىمي اتاعىن دا قورعاپ ۇلگەرگەن شەرحان ۇستازدارى مەن دوستارىنىڭ جادىندا ءبىلىم وتە قۇشتار, سپورتقا جاقىن, اشىق - جارقىن مىنەزدى ازامات رەتىندە دە قالارى ءسوزسىز.

جاسىنداي جارقىراپ وتكەن  شەرحان ەگىزباەۆ اتىنداعى جاس ەكونوميستەردىڭ حالىقارالىق جارىسىنا 13 كوماندا قاتىستى. باس جۇلدەنى رەسەيلىك وقۋشىلار جەڭىپ الدى. ال 1-ورىندى شەرحاننىڭ ءوزى ءبىلىم العان  № 8 گيمنازيانىڭ «Legion» توبى يەلەندى. ەكىنشى ورىنعا  № 41 مەكتەپ- ليتسەيدىڭ «West» كومانداسى,  ءۇشىنشى ورىنعا  № 1 مەكتەپتىڭ «WinWin» توبى مەن № 84 مەكتەپتىڭ «Baiterek» توبى جانە ليپەتسك قالاسىنان قاتىسقان «ەكوحايپ» كومانداسى يە بولدى. جەڭىمپازدار مەن جۇلدەگەرلەرگە ارنايى سىيلىقتار تابىس ەتىلدى.

عالىمجان ەلشىباي,

«ەگەمەن قازاقستان»

شىمكەنت.