2011 جىلعى 11 قاراشا, استانا, ۇكىمەت ءۇيى
«ەلدى مەكەندەردە سىرتقى (كورنەكى) جارناما وبەكتىلەرىن ورنالاستىرۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 7 اقپانداعى №121 قاۋلىسىنا وزگەرىستەر مەن تولىقتىرۋ ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «ەلدى مەكەندەردە سىرتقى (كورنەكى) جارناما وبەكتىلەرىن ورنالاستىرۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 7 اقپانداعى №121 قاۋلىسىنا (قازاقستان رەسپۋبليكاسىنىڭ ءپۇاج-ى, 2008 ج., №7, 69-قۇجات) مىناداي وزگەرىستەر مەن تولىقتىرۋ ەنگىزىلسىن:
كورسەتىلگەن قاۋلىمەن بەكىتىلگەن ەلدى مەكەندەردە سىرتقى (كورنەكى) جارناما وبەكتىلەرىن ورنالاستىرۋ ەرەجەسىندە:
2-تارماقتا:
3) تارماقشا مىناداي رەداكتسيادا جازىلسىن:
«3) جەرگىلىكتى اتقارۋشى ورگان – رەسپۋبليكالىق ماڭىزى بار قالانىڭ, استانانىڭ, اۋدانداردىڭ, وبلىستىق ماڭىزى بار قالالاردىڭ جەرگىلىكتى اتقارۋشى ورگاندارى;»;
مىناداي مازمۇنداعى 4) تارماقشامەن تولىقتىرىلسىن:
«4) ماڭدايشا – ساۋدا (جۇمىستاردى ورىنداۋ جانە قىزمەتتەر كورسەتۋ) سۋبەكتىسىنىڭ ەمبلەماسىن, تاۋارلىق بەلگىلەرىن, برەندتەرىن قوسا العاندا, وسىنداي سۋبەكتى تاۋارلاردى ساتاتىن, قىزمەتتەر كورسەتەتىن جانە جۇمىستار ورىندايتىن جەرلەردەگى جىلجىمايتىن وبەكتىلەردە ورنالاستىرىلاتىن ونىڭ اتاۋى مەن قىزمەت ءتۇرى تۋرالى اقپارات.»;
4 جانە 16-تارماقتار مىناداي رەداكتسيادا جازىلسىن:
«4. ساۋدا, قوعامدىق تاماقتاندىرۋ, تۇرمىستىق قىزمەتتەر كورسەتۋ سالاسىنىڭ كاسىپورىندارى ورنالاستىراتىن مىناداي جارناما وبەكتىلەرى:
1) ماڭدايشا;
2) جايما سورەلەر مەن تەرەزەلەردى بەزەندىرۋ;
3) جۇمىس رەجيمى تۋرالى اقپارات;
4) ءۇي-جايلاردىڭ ىشكى بەزەندىرىلۋى سىرتقى (كورنەكى) جارناما وبەكتىلەرىنە جاتپايدى.»;
«16. جەرگىلىكتى اتقارۋشى ورگان ءوتىنىشتى العاننان كەيىن بەس جۇمىس كۇنى ىشىندە سىرتقى (كورنەكى) جارناما وبەكتىلەرىن ورنالاستىرۋعا رۇقسات بەرەدى نە نەگىزدى تۇردە باس تارتا وتىرىپ, جازباشا جاۋاپ قايتارادى.».
2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.