الماتى قالاسى دەنساۋلىق ساقتاۋ باسقارماسى جانە سالاۋاتتى ءومىر سالتىن قالىپتاستىرۋ ورتالىعىنىڭ ۇيىمداستىرۋىمەن استانا الاڭىندا «دەنساۋلىق فەستيۆالى – 2018» ءوتتى.
دەنساۋلىق ساقتاۋ سالاسىن دامىتۋدىڭ 2016-2019 جىلدارعا ارنالعان «دەنساۋلىق» مەملەكەتتىك باعدارلاماسىن جۇزەگە اسىرۋعا باعىتتالعان فەستيۆال قالا تۇرعىندارى مەن قوناقتارىنا تەگىن كەڭەستەر بەرۋدەن باستالدى.
«دەنساۋلىق قالاشىعى» شەڭبەرىندە 500-دەن استام كەلۋشىگە تەگىن مەديتسينالىق كومەك كورسەتىلىپ, كەڭەستەر بەرىلدى. قالا تۇرعىندارى تەراپەۆت, جالپى تاجىريبەدەگى دارىگەرلەر, كارديولوگ, نەفرولوگ, ت.ب. مامانداردان قان قىسىمىنا, ارتىق سالماققا قاتىستى كەڭەستەر الدى.
قوعامدا سالاۋاتتى ءومىر سالتىن ناسيحاتتاۋ ماقساتىندا وتكىزىلگەن شارا اياسىندا قان قۇرامىنداعى حولەستەريندى انىقتاۋ, جۇقپالى جانە جۇقپالى ەمەس اۋرۋلاردىڭ قالاي پايدا بولاتىندىعى تۋرالى, سونداي-اق جقتب-عا قاتىستى اقپاراتتار بەرىلىپ, تەكسەرىلۋگە ىنتا بىلدىرگەندەرگە دارىگەرلىك كومەك كورسەتىلدى.
ەلۆيرا سەرىكقىزى,
«ەگەمەن قازاقستان»
الماتى