ميلليونداعان كورەرمەن تاماشالايدى

«Visit Aqmola» تۋريستىك اقپاراتتىق ورتالىعىنىڭ دەرەگى بويىنشا ءتۇسىرىلىم بالقاشين اۋىلىنىڭ ماڭىندا جۇزەگە اسى­رىلماق. جۇمىرتقاداي جۇتىنعان اقشاڭقان كيىز ۇيلەر­دەن تۇراتىن شوق جۇلدىزداي شاعىن اۋىل سالۋدى جوسپارلاپ وتىر. قازىرگى كەزدە, بۇل جەردە اتالمىش شوۋدى ءتۇسىرۋ ءۇشىن ارنايى قالاشىقتىڭ قۇرىلىسى باستالىپ تا كەتتى. جوبانى اقپارات جانە كوممۋنيكاتسيالار مينيسترلىگىنىڭ قولداۋىمەن «Kazakh TV» جانە «حابار اگەنتتىگى» اكتسيونەرلىك قوعا­مىنىڭ تاپسىرماسى بويىنشا «تەنگري پليۋس IS» سەرىكتەستىگى جۇزە­گە اسىرماقشى. جاقسى ىسكە اقمو­لا وبلىسى مەن ساندىقتاۋ اۋدا­نىنىڭ اكىمدىكتەرى قولداۋ بىلدىرۋدە.

– ەلىمىزدە بۇرىن-سوڭدى ءدال وسىنداي اۋقىمدى جوبا بول­عان ەمەس, – دەيدى جوبانىڭ اۆتورى جانە باس پروديۋسسەرى ەلەنا گومەر. بۇل تەلەۆيزيالىق جوباعا ءار ەلدەن جينالعان ەكى كوماندا 5 ميلليون تەڭگە اقشالاي سىياقىعا تالاساتىن بولادى. جوبانىڭ رەجيسسەرى ماسكەۋلىك كيريلل كۋزين. جوباعا شەتەلدىك كەز كەلگەن ماماندىق يەسى قاتىسا الادى. جوبا جۇرگىزۋشىلەرى قازاق­ستاندىق بىلعارى قولعاپ شە­بەرى, وليمپيادا چەمپيونى, «Astana Arlans» كاسىپقوي بوكس كلۋ­بىنىڭ باس مەنەدجەرى باقتيار ارتاەۆ جانە «Kazakh TV» تەلە­ارناسىنىڭ حالىقارالىق اقپا­راتتار جانە اعىلشىن تىلىندەگى جاڭالىقتارى ءبولىمىنىڭ باسشىسى ءلاززات شاتاەۆا.

جوبانى «Kazakh TV» تەلەارناسىندا قازاق, ورىس جانە اعىلشىن تىلدەرىندە 4 قۇرلىق, 118 ەل, 600 قوناقۇيدە 300 ميل­ليون كورەرمەن كورەدى دەپ جوس­پارلانعان.

بايقال ءبايادىل,

«ەگەمەن قازاقستان»

اقمولا وبلىسى,

ساندىقتاۋ اۋدانى