دەنساۋلىق ساقتاۋ مينيسترلىگىندە ينفەكتسيالىق اۋرۋلاردىڭ الدىن الۋ بويىنشا ماسەلەلەر تالقىلاندى. دەنساۋلىق ساقتاۋ ۆيتسە-ءمينيسترى الەكسەي تسويدىڭ توراعالىعىمەن ينفەكتسيالىق اۋرۋلاردىڭ الدىن الۋ بويىنشا رەسپۋبليكالىق شتابتىڭ كەزەكتى وتىرىسىنا قاتىسۋشىلار قىزىلشا, كونگو-قىرىم گەمورراگيالىق قىزباسىمەن سىرقاتتانۋ ەپيدەميولوگيالىق جاعدايى جانە حالىق اراسىندا اتالعان اۋرۋلاردىڭ الدىن الۋ بويىنشا قابىلداناتىن شارالار جونىندەگى ماسەلەلەردى تالقىلادى. قازىرگى ۋاقىتتا ەلىمىزدە قىزىلشا سىرقاتى بويىنشا جاعداي تۇراقتى. 2018 جىلعى 8 ايدا پروفيلاكتيكالىق ەگۋلەردەن باس تارتۋ سەبەبىنەن قىزىلشانىڭ 2 جاعدايى تىركەلدى. سونداي-اق كونگو-قىرىم گەمورراگيالىق قىزباسىنا قاتىستى 2018 جىلدىڭ باسىنان بەرى رەسپۋبليكانىڭ ەندەميالىق وڭىرلەرىندە 14 جاعداي تىركەلدى. اتاپ ايتقاندا, جامبىل وبلىسىندا – 7, تۇركىستان وبلىسىندا – 4, قىزىلوردا وبلىسىندا 3 جاعداي تىركەلگەن. ونىڭ ىشىندە وسى وڭىرلەردىڭ ارقايسىسىندا ولىممەن اياقتالعان 1 جاعدايدان تىركەلگەن. ساراپشىلاردىڭ ايتۋىنشا, ءولىم جاعدايلارى پاتسيەنتتەردىڭ دارىگەرگە ۋاقتىلى جۇگىنبەۋى سەبەبىنەن ورىن العان. كەڭەس قورىتىندىسىندا ينفەكتسيالىق اۋرۋلاردىڭ الدىن الۋ جانە ونى بولدىرماۋ ءۇشىن ودان ارعى شارالاردى قابىلداۋ بويىنشا تاپسىرمالار مەن ۇسىنىمدار بەرىلدى.
«ەگەمەن-اقپارات»