تۋرنيرگە 400-گە جۋىق سپورتشى قاتىسۋعا ءوتىنىش بىلدىرگەن, دەپ حابارلايدى اتىراۋ وبلىسىنىڭ وڭىرلىك كوممۋنيكاتسيالار قىزمەتى.
7-9 قىركۇيەك كۇندەرى اتىراۋ قالاسىندا تاەكۆوندودان ازيا قۇرلىعىنداعى تۇڭعىش تاەكۆوندودان ءى اشىق ازيا چەمپيوناتى وتەدى. ەرەسەكتەر اراسىنداعى تۋرنيرگە 15 مەملەكەتتەن 400-گە جۋىق سپورتشى قاتىسادى. ءۇش كۇندىك دودادا ازيا قۇرلىعىنىڭ ۇزدىكتەرى انىقتالاتىن بولادى. جارىس 7 قىركۇيەك كۇنى 9:00-دە مۇز سارايىندا باستالادى.
سونىمەن قاتار, ازيا چەمپيوناتىنىڭ ءىزىن سۋىتپاي, اتىراۋ قالاسىندا 9-11 قىركۇيەك كۇندەرى «KAZAKHSTAN OPEN – 2018» حالىقارالىق ءتۋرنيرى وتەدى.
ايتا كەتۋ كەرەك, وتكەن جىلى اتىراۋدا تۇڭعىش رەت تاەكۆوندودان جاستار اراسىنداعى ازيا چەمپيوناتى ۇيىمداستىرىلدى. وعان 26 مەملەكەتتەن 500-گە جۋىق سپورتشى قاتىستى. وتكەن چەمپيوناتتىڭ جوعارى دارەجەدە وتۋىنە وراي اتىراۋ وبلىسى كەزەكتى ازيا چەمپيوناتىن وتكىزۋگە ليتسەنزيا العان بولاتىن.