اقتوبەدەگى اۆتوبۋس ءورتى: ايىپتالۋشىلار ءوز كىناسىن مويىندامادى

18 قاڭتار كۇنى سامارا-شىمكەنت تاسجولىندا اۆتوبۋس ورتەنىپ, 52 ادام قازا بولعان ەدى. قىلمىستىق ارەكەتكە بايلانىستى سوت ىستەرى ءالى دە جالعاسۋدا. اقتوبە وبلىستىق قىلمىستىق ىستەر جونىندەگى مامانداندىرىلعان اۋدانارالىق سوتىندا وزبەكستان ازاماتتارىنا جاسالعان سوت-بيولوگيالىق ساراپتاما قورىتىندىسى جاريا ەتىلدى.

پروكۋرور وسمان ورىنباسار ۇلىنىڭ ايتۋىنشا, وزبەكستاندىق جولاۋشىلار تۇتىنگە ۋلانىپ, كاربوكسيگەموگلوبيننەن كوز جۇمعان.

سونىمەن قاتار, كەيبىر مايىتتەر تولىق جانىپ كەتكەن, ولاردىڭ تەك اتى-ءجونى انىقتالدى. وزبەكستاندىق ازاماتتاردىڭ دەنەسىنىڭ كەيبىر مۇشەسى تابىلماعانىن پروكۋرور ايىپتاۋ قورىتىندىسى كەزىندە ايتىپ بەردى.

سوت وتىرىسى كەزىندە سوتتالۋشىلار نۇرجان قىرعىزباەۆ, ماقسات پەرنەبەكوۆ پەن بارات تاڭاتوۆ, نۇرلىبەك تىلەپباەۆ, ءباحادۇر پەردەباەۆ وزىنە تاعىلعان ايىپپەن كەلىسكەن جوق. ايىپتالۋشىڭ بارلىعى ءوز كىناسىن مويىندامادى.

ەرتەڭ سوت وتىرىسى جالعاسادى. الدىمەن جابىرلەنۋشىلەر مەن كۋاگەرلەر تىڭدالىپ, كەيىن سوتتالۋشىلاردان جاۋاپ الادى.

«ازياترانزيتسەرۆيس» جشس-ءنىڭ قۇرىلتايشىسى نۇرلىبەك تىلەپباەۆقا قىلمىستىق كودەكستىڭ «جالعان قۇجاتتاردى, ءمورتابانداردى, مورلەردi, بلانكىلەردى, مەملەكەتتiك پوشتا تولەمى بەلگىلەرىن, مەملەكەتتiك ناگرادالاردى قولدان جاساۋ, دايىنداۋ نەمەسە وتكiزۋ», «مiندەتتەرiنە ادال قاراماۋ», كولiك قۇرالدارىن ساپاسىز جوندەۋ نەمەسە ولاردى تەحنيكالىق اقاۋلارىمەن پايدالانۋعا شىعارۋ» باپتارى بويىنشا ايىپ تاعىلدى.

ال مەحانيك ب.پەردەباەۆ «كولiك قۇرالدارىن ساپاسىز جوندەۋ نەمەسە ولاردى تەحنيكالىق اقاۋلارىمەن پايدالانۋعا شىعارۋ» بابى بويىنشا ايىپتالىپ وتىر.

جۇرگىزۋشىلەر نۇرجان قىرعىزباەۆ, ماقسات پەرنەبەكوۆ پەن بارات تاڭاتوۆقا ء«ورت قاۋiپسiزدiگi تالاپتارىن بۇزۋ», «كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى» باپتارى بويىنشا قىلمىس جاساعان», دەدى پروكۋرور و.ورىنباسار ۇلى.