ساندىق تەحنولوگيالاردى نارىقتىق ستاندارتتارعا سايكەس دامىتۋ ماقساتىندا قىزىلوردا وبلىسىندا ارنايى مەملەكەتتىك ورگان – تسيفرلىق تەحنولوگيالار باسقارماسى قۇرىلدى, سونىمەن قاتار وبلىس اكىمىنىڭ تسيفرلاندىرۋ ماسەلەلەرى جونىندەگى كەڭەسشىسى تاعايىندالدى. بۇل تۋرالى وبلىس اكىمى قىرىمبەك كوشەرباەۆ اپپارات ماجىلىسىندە حابارلادى.
كەزدەسۋدى اشقان وبلىس اكىمى سوڭعى جىلدارى اقپاراتتىق-كوممۋنيكاتسيالىق تەحنولوگيالار ءوڭىر ەكونوميكاسىنىڭ بارلىق سالالارىندا قارقىندى دامىپ كەلە جاتقانىن اتاپ ءوتتى.
«سوڭعى جىلدارى اقپاراتتىق جانە كوممۋنيكاتسيالىق تەحنولوگيالار ەكونوميكانىڭ بارلىق سالالارىندا قارقىندى دامۋدا. كورسەتىلەتىن مەملەكەتتىك قىزمەتتەر ساپاسىن, تسيفرلاندىرۋ جانە جوبالىق باسقارۋدى ارتتىرۋ ماسەلەلەرى مەملەكەتتىك باسقارۋ سالاسىنداعى باسىم باعىتتاردىڭ بىرىنە اينالدى. سوندىقتان, ونىڭ قالىپتاسۋى مەن ودان ءارى دامۋى زاماناۋي نارىقتىق ستاندارتقا سايكەس بولۋى ءۇشىن ءوز الدىنا دەربەس مەملەكەتتىك ورگان بولىپ تابىلاتىن قىزىلوردا وبلىسىنىڭ تسيفرلىق تەحنولوگيالار باسقارماسىن قۇردىق. سونىمەن قاتار, وبلىسىمىزدا تسيفرلاندىرۋ جۇمىستارىنىڭ ءتيىمدى ءجۇرۋىن ۇيلەستىرۋ ماقساتىندا وبلىس اكىمىنىڭ تسيفرلاندىرۋ ماسەلەلەرى جونىندەگى كەڭەسشىسى لاۋازىمىن ەنگىزۋ جونىندە شەشىم قابىلداندى»,- دەدى ايماق باسشىسى.
تسيفرلاندىرۋ جونىندەگى وبلىس اكىمىنىڭ كەڭەسشىسى قىزمەتىنە اقمارال المەنوۆا تاعايىندالدى.
المەنوۆا اقمارال بايجانقىزى 1989 جىلى تۋىلعان. قورقىت اتا اتىنداعى قىزىلوردا مەملەكەتتىك ۋنيۆەرسيتەتىن «اقپاراتتىق جۇيەلەر», نوۆوسيبيرسك مەملەكەتىك ۇلتتىق زەرتتەۋ ۋنيۆەرسيتەتىنىڭ ماگيستراتۋراسىن «ينفورماتيكا جانە ەسەپتەۋ تەحنيكاسى», سونداي-اق قازان فەدەرالدىق ۋنيۆەرسيتەتىنىڭ اسپيرانتۋراسىن «ەسەپتەۋ ماشينالارى, كەشەندەرى مەن كومپيۋتەرلىك جۇيەلەردى ماتەماتيكالىق جانە باعدارلامالىق قامتاماسىز ەتۋ» ماماندىقتارى بويىنشا بىتىرگەن. تەحنيكا عىلىمدارىنىڭ كانديداتى. 2014 جىلدان باستاپ وسى كەزگە دەيىن تاتارستار رەسپۋبليكاسى عىلىم اكادەمياسىنىڭ كىشى عىلىمي قىزمەتكەرى لاۋازىمىندا قىزمەت اتقارىپ كەلدى.