تۇركىستان وبلىستىق ءماسليحاتىندا 6 دەپۋتاتتىڭ وكىلەتتىلىكتەرى توقتاتىلدى. مۇنداي شەشىم ءماسليحاتتىڭ كەزەكتەن تىس 29-شى سەسسياسىندا قابىلداندى.
سەسسيادا وبلىستىق سايلاۋ كوميسسياسىنىڭ توراعاسى الىبەك ومىراليەۆ شىمكەنت قالاسىنان سايلانعان دەپۋتاتتاردان وسىنداي ءوتىنىش تۇسكەنىن جەتكىزدى.
«تۇركىستان وبلىستىق ءماسليحاتى التى دەپۋتاتىنىڭ ءوز وتىنىشتەرى بويىنشا وكىلەتتىگىن مەرزىمىنەن بۇرىن توقتاتۋ تۋرالى ۇسىنىستى قاراۋدى سۇرايمىن. ولار - №4 سايلاۋ وكرۋگىنەن سايلانعان جۇماعالي بىلىسبەكوۆ, №5 سايلاۋ وكرۋگىنەن قايرات مولداسەيىتوۆ, №6 سايلاۋ وكرۋگىنەن قيلىبەك تۇرلىبەك, №7 وكرۋگتەن ارمان بەردەنوۆ, №8 سايلاۋ وكرۋگىنەن باحارام ابدۋكاريموۆ جانە №9 سايلاۋ وكرۋگىنەن راشكۇل وسپاناليەۆا».