2018 جىلدىڭ باسىنان بەرى «قتج» ۇك» اق جەلىلەرى بويىنشا 65 ملن توننادان استام كومىر تيەلگەن, دەپ حابارلايدى «قازاقستان تەمىر جولى» ۇك»اق ءباسپاسوز قىزمەتى.
بيىل رەسپۋبليكا ىشىلىك قاتىناستا 45,1 ملن توننادان استامى تاسىمالدانعان. بۇل 2017 جىلداعى تاسىمال كولەمىنەن 0,4%-عا ارتىق,. ال تۇتىنۋشىلاردىڭ كوممۋنالدىق-تۇرمىستىق قاجەتتىلىكتەرىنە – 5,5 ملن توننا كومىر تاسىمالدانعان. وتكەن جىلدىڭ كورسەتكىشىنە قاراعاندا بۇل كورسەتكىش 12%-عا كوبەيگەن.
2018 جىلدىڭ سوڭىنا دەيىن 106,5 ملن توننا كومىر تاسىمالداۋ جوسپارلانۋدا, سونىڭ ىشىندە تۇتىنۋشىلار ءۇشىن – 71,9 ملن توننا, بۇل 2017 جىلداعى تاسىمال كولەمىنەن 3,5%-عا جوعارى.
«قتج» ۇك» اق-دا اتالىپ وتىرعان جۇك كولەمىن تاسىمالداۋعا جىلجىمالى قۇرام سانى قاجەتتى دەڭگەيدە جەتكىلىكتى. ءار ءتۇرلى جەكە مەنشىك يەلەرىنەن 54 مىڭعا جۋىق اشىق ۆاگون جۇمىلدىرىلدى. كوممۋنالدىق-تۇرمىستىق كومىر تاسىمالى ءۇشىن 9 مىڭعا جۋىق اشىق ۆاگون قولدانىلۋدا.
«قتج» ۇك» اق باستاماسىمەن كومىر تاسىمالى كولەمىن جىل بويىنا بىركەلكى ءبولۋ جانە كۇزگى-قىسقى كەزەڭدەگى جۇكتەمەنى ازايتۋ ماقساتىندا كومىر وندىرۋشىلەردىڭ قاتىسۋىمەن وبلىس اكىمدىكتەرىندە جيىندار وتكىزىلدى. وبلىس اكىمدىكتەرى مەن كومىر وندىرۋشىلەر كومىر تاسىمالى كولەمىن قايتا ءبولۋ بويىنشا مىندەتتەمەلەر الدى. سونىڭ ناتيجەسىندە كوممۋنالدىق-تۇرمىستىق كومىر تاسىمالىنىڭ كولەمى 31%-عا ارتتى. سونىمەن قاتار كومىر جۇگىن جونەلتۋشىلەرمەن دە وتىرىستار وتكىزىلۋدە. اعىمداعى جىلدىڭ سوڭىنا دەيىن تاسىمال كولەمىن ورىنداۋ بويىنشا تالاپ-تىلەك حاتتاماسى تولتىرىلدى, بۇل رەتتە «قتج» ۇك» اق ۆاگون پاركتەرىن باسقارۋ وپەراتسيالارىن جۇرگىزۋ ءۇشىن قويىلاتىن مولشەرلەمە كوتەرىلمەيتىنىنە كەپىلدىك بەرەدى.
كومپانيادا كومىر تاسىمالى بويىنشا شتاب قۇرىلىپ, جۇك جونەلتۋشىلەر ءوتىنىمىن قاناعاتتاندىرۋ, سونىمەن قاتار ۆاگوندار اينالىمىن ورىنداۋ بويىنشا تاۋلىكتىك باقىلاۋ قويىلدى. تەتس جانە گرەس قويمالارىنداعى قاتتى وتىن قورى قالدىقتارىنا, سونداي-اق حالىقتا كومىردىڭ بار-جوقتىعىنا تاۋلىكتىك مونيتورينگ جۇرگىزىلۋدە.