28 تامىزدا كۇندىز قاپشاعايداعى اعىندى سورعى ستانتسياسىندا ۇش سلەسار قازا تاپتى. قايعىلى وقيعانىڭ ءمان-جايى انىقتالدى, دەپ حابارلايدى "قاپشاعاي سۋ ارناسى" مكك ءباسپاسوز قىزمەتى.
قاپشاعاي اعىندى سورعى ستانتسياسىندا ءۇش سلەسار قۇدىق تازالاۋ كەزىندە مەتان گازىنا ۋلانىپ قازا تاپتى. وقيعا 2018 جىلى 28 تامىز كۇنى ساعات 11:49-دا 10-ىنشى كارىز جۇيەسىندە بولدى.
شامامەن 11:20-دا ستانتسيا قىزمەتكەرىنىڭ بىرى قۇدىقتان بەسىنشى دەڭگەيلى شەبەر ە.تۇمەنباەۆ, ۇشىنشى دەڭگەيلى دانەكەرلەۋشى ب.ءاليحانوۆ پەن بەسىنشى دەڭگەيلى قۇرىلىسشى ت.احمەتوۆتىڭ دەنەسىن تاپقان. جۇرگىزۋشى دەرەۋ "قاپشاعاي سۋ ارناسى" مكك باس ينجينەرى ح.ا.باتىرحانوۆ, شەبەر ش.ساۋمالبايعا حابارلاپ, وقيعانى بايانداپ بەرگەن. كەيىن توتەنشە جاعداي مەن باسقا دا جەدەل قىزمەتتەر شاقىرىلعان. قازا تاپقانداردىڭ دەنەسىن قۇتقارۋشىلار شىعارىپ الدى. قازىرگى كەزدە قايعىلى وقيعانىڭ سەبەبىن ءتيىستى ورگاندار, ىشكى ىستەر ءبولىمىنىڭ قىزمەتكەرلەرى مەن قاپشاعاي مەديتسينا قىزمەتى انىقتاپ جاتىر.
«قاپشاعاي سۋ ارناسى" مكك باسشىلىعىنىڭ تاراپىنان قازا تاپقانداردىڭ وتباسىنا كومەك كورسەتىلەدى. مارقۇمداردىڭ تۋىستارى مەن جاقىندارىنا كوڭىل ايتامىز», دەلىنگەن كاسىپورىننىڭ ءباسپاسوز حابارلاماسىندا.