قازاقستان ميانما ۇكىمەتىن ەلدەگى روحيندجا-مۇسىلماندارىنىڭ جاعدايىنا بايلانىستى پروبلەمالاردىڭ تۇبەگەيلى سەبەپتەرىن جويۋعا بارلىق كۇش-جىگەرىن جۇمساۋعا شاقىرادى. بۇل تۋرالى قازاقستاننىڭ بىرىككەن ۇلتتار ۇيىمى جانىنداعى تۇراقتى وكىلى قايرات وماروۆ بۇۇ قاۋىپسىزدىك كەڭەسىنىڭ ميانماداعى احۋال بويىنشا وتكەن وتىرىسىندا مالىمدەدى.
كەزدەسۋ بارىسىندا بۇۇ باس حاتشىسى انتونيۋ گۋتەرريش جانە بۇۇ بوسقىندار ءىسى جونىندەگى اگەنتتىگىنىڭ ىزگى نيەتتى ەلشىسى, اكتريسا كەيت بلانشەتت ميانماداعى روحيندجا-مۇسىلماندارىنىڭ جاعدايى تۋرالى باياندامالارىن جاسادى.
قازاقستان ەلشىسى ءدال وسىدان ءبىر جىل بۇرىن حالىقارالىق قوعامداستىق ميانمادان بانگلادەشكە 700 مىڭنان استام روحيندجا-مۇسىلمانداردىڭ قاشىپ كەتكەن ەڭ ءىرى گۋمانيتارلىق اپاتتاردىڭ بىرىنە كۋا بولعانىن اتاپ ءوتتى. «ەڭ تاڭقالارلىعى–روحيندجا-بوسقىنداردىڭ 60%-ى – ۇيلەرىنەن كەتۋگە ءماجبۇر بولعان جانە ءبىز ءساۋىر ايىندا بانگلادەشتە ءوزىمىز كورگەنىمىزدەي بوسقىندار لاگەرلەرىندە وتە قيىن جاعدايعا تاپ بولىپ وتىرعان بالالار», - دەدى ق.وماروۆ.
قازاقستان بۇۇ جانە بارلىق گۋمانيتارلىق ارىپتەستەردىڭ روحيندجا-بوسقىندارعا ازىق-ت ۇلىك, باسپانا, ءدارى-دارمەكتەر, سۋ جانە باسقا دا كومەك كورسەتۋ قۇرالدارىن ۇسىنۋعا باعىتتالعان كۇش-جىگەرىن جوعارى باعالايدى.
ۇستىمىزدەگى جىلدىڭ ءساۋىر ايىندا قازاقستان ۇكىمەتى بانگلادەشتەگى كوكس-بازار قالاسىنىڭ ماڭىنداعى اۋماعىندا ورنالاسقان روحيندجا-بوسقىندارعا 500 مىڭ دوللار كولەمىندە گۋمانيتارلىق كومەك كورسەتىپ, ونى ولار تۇراتىن جەرلەرگە جەتكىزدى.
ميانمادا قازىرگى جاعداي تۋرالى ايتا كەلىپ, ق.وماروۆ بۇۇ-نىڭ مالىمەتتەرى بويىنشا ەتنيكالىق روحيندجا حالقى وكىلدەرىنىڭ ءجۇرىپ-تۇرۋ بوستاندىعىنا, سونداي-اق ءبىلىم الۋ, دەنساۋلىق ساقتاۋ جانە ومىرلىك داعدىلارىنا قول جەتكىزۋگە قاتاڭ شەكتەۋلەر ءالى قالۋدا ەكەنىن اتاپ ءوتتى. «روحيندجا-بوسقىندار كەپىلدىكتى قاۋىپسىزدىكتى جانە وسى ماسەلەلەر بويىنشا ناقتى پروگرەستى كورىپ تۇرعان كەزدە عانا ولار ەلگە ورالادى», - باسا ايتتى قازاقستان ەلشىسى.
قازاقستاننىڭ تۇراقتى وكىلى سونداي-اق ميانماداعى روحيندجا حالقىنىڭ قۇقىقتارىن بۇزۋشىلىقتاردى تەرگەۋ بويىنشا تاۋەلسىز كوميسسيا قۇرۋىن تاتۋلاستىققا جانە وتپەلى ادىلەتتىلىككە باعىتتالعان نەگىزگى قادامداردىڭ ءبىرى رەتىندە اتادى. سونىمەن قاتار, ول كوميسسياعا مۇسىلمان قاۋىمداستىعىنىڭ وكىلىن قوسۋ ونىڭ بەدەلىن ەداۋىر ارتتىرىپ, «كوپىرلەردى سالۋعا» كومەكتەسۋگە مۇمكىندىك بەرە الاتىندىعىن اتاپ ءوتتى.
جالپى, بۇۇ قاۋىپسىزدىك كەڭەسىنىڭ مۇشەلەرى روحيندجا-بوسقىنداردىڭ پروبلەمالارىن ميانماداعى بۇرىنعى تۇرعىلىقتى جەرلەرگە قاۋىپسىز, قايىرىمدى جانە ءوز ەركىمەن ورالۋى ءۇشىن تەز ارادا شەشۋ قاجەتتىگى تۋرالى ءبىراۋىزدى بولدى.