قازاقستان كونستيتۋتسيالىق كەڭەسىنىڭ توراعاسى ق. ءماميدىڭ توراعالىق ەتۋىمەن جاڭا دەموكراتيا ەلدەرى كونستيتۋتسيالىق باقىلاۋ ورگاندارى كونفەرەنتسياسى مۇشەلەرىنىڭ وتىرىسى بولدى.
ءىس-شارا 28-29 تامىزدا استانا قالاسىندا وتەتىن قازاقستان رەسپۋبليكاسىنىڭ كونستيتۋتسياسى كۇنىنە ارنالعان «كونستيتۋتسيا: قۇقىق ۇستەمدىگىنىڭ ازاماتتىق قوعام مەن زاماناۋي مەملەكەتتىڭ قۇندىلىقتارىن ىسكە اسىرۋ» اتتى حالىقارالىق كونفەرەنتسيا شەڭبەرىندە ۇيىمداستىرىلدى.
كەزدەسۋگە ارمەنيانىڭ, بەلارۋسيانىڭ, ازەربايجاننىڭ, قىرعىزستاننىڭ, موڭعوليانىڭ, رەسەيدىڭ, تاجىكستان مەن وزبەكستاننىڭ كونستيتۋتسيالىق ادىلەت ورگاندارىنىڭ دەلەگاتسيالارى, سونداي-اق كونستيتۋتسيالىق سوت تورەلىگى جونىندەگى بۇكىلالەمدىك كونفەرەنتسيانىڭ باس حاتشىسى شنۋتس ديۋرر قاتىستى.
كونفەرەنتسيا مۇشەلەرى ازەربايجان رەسپۋبليكاسى كونستيتۋتسيالىق سوتىنىڭ جدەكبوك قۇرامىنا ەنۋى تۋرالى ءوتىنىشىن قاناعاتتاندىردى.
وتىرىستا قاتىسۋشى مەملەكەتتەردەگى كونستيتۋتسيالىق دامۋ پروتسەستەرىنە, كونستيتۋتسيانىڭ ۇستەمدىگىن قامتاماسىز ەتۋدەگى قازىرگى زامانعى سىن-قاتەرلەرگە جانە وڭىرلىك ءارى حالىقارالىق دەڭگەيلەردەگى ىنتىماقتاستىقتى تەرەڭدەتۋگە بايلانىستى وزەكتى ماسەلەلەر تالقىلاندى.
كونفەرەنتسيانىڭ قاتىسۋشىلارى ءىس-شارانىڭ ماڭىزدىلىعى مەن جوعارى دەڭگەيىن ەسكەرە وتىرىپ, الجيردە كونستيتۋتسيالىق سوت تورەلىگى جونىندەگى بۇكىلالەمدىك كونفەرەنتسيانىڭ 5-كونگرەسىن وتكىزۋگە قولداۋ كورسەتتى.
قوناقتار قازاقستان كونستيتۋتسيالىق كەڭەسىنىڭ باستاماسى بويىنشا جاسالعان كونفەرەنتسيانىڭ ينتەرنەت-رەسۋرسىمەن تانىستى.
تاراپتار مەرزىمدى باسپا باسىلىمى – جدەكبوك جارشىسى رەداكتسيالىق القاسىنىڭ جاڭا قۇرامىن بەكىتتى جانە ونىڭ فورماتىن ايقىندادى. وعان توراعالاردىڭ, سۋديالار مەن قىزمەتكەرلەردىڭ سويلەگەن سوزدەرى, كونستيتۋتسيالىق ءىس جۇرگىزۋ پراكتيكاسىنا شولۋلار جانە كونفەرەنتسيانىڭ بارلىق مۇشەلەرىنىڭ ماڭىزدى شەشىمدەرى جاريالاناتىن بولادى.
بۇدان باسقا, كونفەرەنتسيا قاتىسۋشىلارى قاۋىمداستىقتىڭ قىزمەتىنە بايلانىستى ۇيىمداستىرۋشىلىق ماسەلەلەردى قاراستىردى.
ق. ءمامي: ء«بىز بۇدان ءارى دە الەۋەتى تۇپتەپ كەلگەندە ءبىزدىڭ ەلدەرىمىزدە جانە ولاردىڭ شەكتەرىنەن تىس جەرلەردە قۇقىق ۇستەمدىگىن نىعايتۋعا قىزمەت ەتەتىن كونفەرەنتسيانى ورتاق كۇش-جىگەرىمىزبەن دامىتا بەرەتىنىمىزگە سەنىم بىلدىرەمىن», - دەپ ءسوزىن قورىتىندىلادى.