قازاقستان رەسپۋبليكاسى ءبىلىم جانە عىلىم مينيسترلىگىنىڭ نۇسقاۋلىعىنا سايكەس اقتاۋ قالاسى ءىىب-نىڭ قىزمەتكەرلەرى «مەنىڭ تاڭداۋىم – بالالارعا كومەك!» ۇرانىمەن «مەكتەپكە جول» قايىرىمدىلىق اكتسياسىن وتكىزدى.
اكتسيانىڭ ماقساتى از قامتىلعان جانە كوپ بالالى وتباسىلار, جەتىم بالالار مەن اتا-اناسىنىڭ قامقورلىعىنسىز قالعان بالالار قاتارىنان وقۋشىلارعا جاڭا وقۋ جىلىنا دايىندىق كەزەڭىندە جانە الەۋمەتتىك سەبەپتەر بويىنشا بالالاردىڭ مەكتەپكە بارماۋىن الدىن الۋ ءۇشىن كومەك كورسەتۋ بولىپ تابىلادى.
اتالعان اكتسيانىڭ الەۋمەتتىك جانە قوعامدىق ماڭىزدىلىعىن ەسكەرە وتىرىپ, كومەككە مۇقتاج از قامتىلعان جانە كوپ بالالى بالالارعا, اناسىنىڭ قامقورلىعىنسىز قالعان اقتاۋ قالاسى ءىىب-نىڭ قىزمەتكەرلەرىنىڭ جانە ەرىكتى جالدامالى قىزمەتكەرلەردىڭ, سونىمەن قاتار, اقتاۋداعى كوپ بالالى وتباسىلار مەن جەتىم بالالارىنا كومەك كورسەتىلدى.
اكتسيا اياسىندا باسقارما باستىعى پوليتسيا پولكوۆنيگى ا.حالمۇرادوۆ اقتاۋ قالالىق ىشكى ىستەر باسقارماسى اتىنان ۇجىم بولىپ بالالارعا تىلەكتەرىن ايتىپ, وقۋدا ساتتىلىك تىلەپ, الداعى ۋاقىتتا دا وسىنداي مۇقتاج بالالاردى ەسەپكە الىپ ۇنەمى كومەكتەسىپ وتىرۋعا دايىن ەكەندىكتەرىن ايتىپ, بالالارعا ارنايى دايىندالعان وقۋعا قاجەتتى سومكەگە سالىنعان قۇرال-سايماندارى جانە كيىم-كەشەك دۇكەنىنەن مەكتەپ فورمالارىن, سپورتتىق كيىمدەرىن, اياق-كيىم تابىستادى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى