نيۋ-يوركتە جۇلدە قورى 25 282 400 دوللاردى قۇرايتىن «ۇلكەن دۋىلعا» ساناتىنداعى تۋرنيرلەردىڭ ءبىرى ءارى بىرەگەيى – اقش-تىڭ اشىق بىرىنشىلىگى باستالدى.
جارىستىڭ العاشقى كۇنى سەنساتسيالىق ناتيجە تىركەلدى. ايەلدەر اراسىنداعى الەمنىڭ ءبىرىنشى راكەتكاسى سيمونا حالەپ WTA رەيتينگىندە 44 ورىندا تۇرعان ەستونيالىق كايا كانەپيدەن 2:6, 4:6 ەسەبىمەن ويدا-جوقتا ۇتىلىپ قالدى. سول سەكىلدى پولشانىڭ اتاقتى تەننيسشىسى اگنەشكا رادۆانسكا دا ساتسىزدىككە ۇشىرادى. ول گەرمانيالىق تاتيانا مارياعا ەسە جىبەردى. ال سەرەنا مەن ۆينۋس ۋيليامس, گاربينە مۋگۋرۋسا, ليۋسي شافارجوۆا, ەلينا سۆيتولينا سىندى مىقتىلار كەلەسى كەزەڭگە ەش قينالماي-اق ءوتتى.
وكىنشىكە قاراي, قازاقستاندىق زارينا دياس الەمدىك رەيتينگتە 8 ورىندا تۇرعان چەحيانىڭ اتاقتى ويىنشىسى كارولينا پليشكوۆاعا 4:6, 6:7 ەسەبىمەن ۇتىلىپ قالدى. دەسەك تە جارىس جولىندا ءالى ەكى جەرلەسىمىز بار. بۇگىن يۋليا پۋتينتسەۆا امەريكالىق بەرنارد پەرامەن, ال ميحايل كۋكۋشكين اقش-تىڭ تاعى ءبىر وكىلى نوا رۋبينمەن كۇش سىناسادى.
عالىم سۇلەيمەن,
«ەگەمەن قازاقستان»