الماتى قالاسى قازاقستان حالقى اسسامبلەياسى حاتشىلىعىنىڭ, دوستىق ءۇيى مەن الماتى قالاسى اكىمى اپپاراتىنىڭ «قوعامدىق كەلىسىم» كمم ۇيىمداستىرۋىمەن ۇلتتىق كىتاپحانادا قازاقستان رەسپۋبليكاسىنىڭ كونستيتۋتسياسى كۇنىنە ارنالعان دوڭگەلەك ۇستەل ءوتتى.
ءىس-شاراعا قازاقستان رەسپۋبليكاسى پارلامەنتى ءماجىلىسىنىڭ دەپۋتاتى احمەت مۋرادوۆ, الماتى قالاسى ءماسليحاتىنىڭ دەپۋتاتى نۋريا نيازوۆا, زاڭ عىلىمدارىنىڭ دوكتورى, پروفەسسور كابدۋلساميح ايتحوجين, د.ا.قوناەۆ اتىنداعى ەۋرازيا زاڭ اكادەمياسىنىڭ كونستيتۋتسيالىق قۇقىق كافەدراسىنىڭ مەڭگەرۋشىسى بولىسبەك باتتالحانوۆ, الماتى قالاسى عىلىمي-ساراپشىلىق توبىنىڭ توراعاسى مۇحتاربەك شايكەمەلوۆ, قازاقستان حالقى اسسامبلەياسى جانە ەتنومادەني بىرلەستىكتەر وكىلدەرى قاتىستى.
دوڭگەلەك ۇستەل بارىسىندا تاۋەلسىزدىگىمىزدى ايعاقتايتىن, ناقتىلايتىن نەگىزگى قۇجات – اتا زاڭنىڭ پارمەندىلىگى توڭىرەگىندە وي تولعاعان قاتىسۋشىلار ەلىمىزدە تۇرىپ جاتقان كوپتەگەن ۇلت وكىلدەرىنىڭ بىرلىگى مەن ىنتىماعىنىڭ نەگىزى وسى قۇجاتتىڭ وزەگىندە جاتقاندىعىن اتاپ ءوتتى.
اتا زاڭ ەل ازاماتتارىنىڭ بوستاندىعى مەن قۇقىعىن قامتاماسىز ەتە وتىرىپ, قازاقستاننىڭ الەمدىك كەڭىستىكتە وزگە مەملەكەتتەرمەن باسەكەگە تۇسە الاتىن زايىرلى قوعامىمەن ەرەكشەلەنەتىندىگىنە توقتالدى. سوندىقتاندا ەل ازاماتتارىنىڭ قانداي دا ءبىر وكىلى بولماسىن ەلىم, جەرىم دەگەن ۇستانىممەن مەملەكەت بولاشاعىنا قىزمەت ەتۋگە ءتيىس.
ەلۆيرا سەرىكقىزى,
«ەگەمەن قازاقستان»
الماتى