1 جەلتوقسان كۇنى استانا قالاسىنىڭ اكىمدىگى «BI-group»-پەن بىرلەسىپ, كاسىبىن ەندى باستاعالى جاتقان كاسىپكەرلەر ءۇشىن تمد كولەمىندە «Seedstars» حالىقارالىق كومپانياسى باسقارىپ وتىرعان حالىقارالىق تەحنولوگيالىق ستارتاپ-ينكۋباتور اشىلادى. ورتالىق ەكسپو ماڭىنداعى «Hilton Astana» وتەلىندە ورنالاسقان, دەپ حابارلايدى ەلوردا اكىمدىگىنىڭ رەسمي سايتى.
ۇلت كوشباسشىسىنىڭ «رۋحاني جاڭعىرۋ» باعدارلامالىق ماقالاسى مەن «استانا – يننوۆاتسيالار قالاسى» ستراتەگياسى قاعيدالارىن ىسكە اسىرۋدا «Hilton Astana» وتەلىنىڭ الاڭىندا استانا قالاسى ينۆەستيتسيا جانە كاسىپكەرلىكتى قولداۋ باسقارماسى مب مەن حالىقارالىق بيزنەس ينكۋباتورلارى «Seedstars» جانە «BI Property» جشس اراسىندا ارىپتەستىك تۋرالى مەموراندۋمعا قول قويىلدى.
كەلىسىم شەڭبەرىندە قاتىسۋشى كومپانيالار سالعان ينۆەستيتسيانىڭ ارقاسىندا استانا قالاسىندا ادام كاپيتالىن دامىتۋ ءۇشىن بىرەگەي الاڭ قۇرىلادى, وندا قالانىڭ ءاربىر تۇرعىنى كەرەمەت تاجىريبە الىپ, جاڭا تەحنولوگيا سالاسىندا جەكە جوباسىن ىسكە اسىرا الادى جانە جاستاردىڭ الەۋەتىن دامىتۋعا باسىمدىق بەرىلەدى.
«ۇلكەن قالالاردىڭ تاجىريبەسى كورسەتكەندەي جاھاندىق قالالاردىڭ تەپە تەڭ دامۋى كرەاتيۆى جوق يندۋسترياسىز مۇمكىن ەمەس – ول تسيفرلى تەحنولوگيا, ساۋلەت جانە ديزاين, زاماناۋي مەديا, ونەر مەن مادەنيەت. سول سەبەپتى, ءبىز كرەاتيۆتى كلاستەردىڭ نەگىزىن قالىپتاستىراتىن قالالىق يننوۆاتسيالىق الاڭ قۇرماقپىز. مۇندا استانانىڭ يننوۆاتسيالىق ەكوجۇيەسى قالىپتاسادى», - دەدى استانا قالاسىنىڭ اكىمى اسەت يسەكەشەۆ.
قالالىق يننوۆاتسيالىق الاڭ قۇرۋ ستارتاپ-جوبالاردى دامىتۋ ءۇشىن كەڭ مۇمكىندىكتى اشادى جانە حالىقارالىق دەڭگەيدە تاجىريبە الماسۋعا, سونداي-اق جاڭا كاسىپكەرلەر بۋىنى مەن تسيفرلى نومادتاردى قالىپتاستىرۋعا مۇمكىندىك بەرەدى. ول ءۇشىن الاڭ رەزيدەنتىندە مەنتورلاردىڭ اۋقىمدى جەلىسى, كونسۋلتانتتار, تەحنيكالىق ماماندار, بيزنەس-پەرىشتەلەر مەن ينۆەستيتسيالىق جوبالارعا بارىنشا قولجەتىمدىلىك ۇسىنىلادى.
اتالمىش الاڭنىڭ ەرەكشەلىگى مىنادا, ءاربىر قازاقستاندىق ازىرلەۋشىنىڭ الدىندا ءىت-تەحنولوگياسى سالاسىنداعى الەمدىك تەندەنتسياعا قولجەتىمدى مۇمكىندىك اشىلادى. بۇل «Seedstars» باسقاراتىن تمد كولەمىندەگى بىردەن ءبىر كوۆوركينگ-ورتالىق بولماق.
حالىقارالىق بيزنەس-ينكۋباتوردىڭ سەرىكتەستەرىنىڭ ءبىرى دەۆيد دەكومبەس «ورتالىقتا الەم بويىنشا 70 مىڭنان استام ستارتاپەر, كاسىپكەر مەن ينۆەستورلار بار. جوباعا قوسىلعاننان كەيىن استانا دا بىرىڭعاي جەلىنىڭ بولشەگىنە اينالىپ, تاجىريبە الماسۋعا جانە تەحنولوگيانىڭ دامۋى ءۇشىن وزىنە ۇلكەن مۇمكىندىكتەر اشاتىنىن» ايتا كەتتى.
الاڭدا 14 كوۆوركينگ-كەڭسە قاراستىرىلدى جانە دە كوليۆينگ اۋماعىنان تەحنيكالىق شەشىمدەردى ازىرلەۋ ءۇشىن جانە قالالىق تاپسىرمالاردى شەشۋگە باعىتتالعان ءموبيلدى قوسىمشالاردى ىسكە قوسۋعا ىڭعايلى 14 ورىندىق قاراستىرىلدى.
«بۇل يننوۆاتسيالىق ازىرلەۋشىلەر ۋاقىتتى بىرگە وتكىزىپ, تاجىريبە الماسۋعا, جوبانى تالقىلاۋ ءۇشىن جاسالىپ جاتقان كەڭىستىك. ياعني ءتىرى زەرتحانا, ول جەردە قالا تىرشىلىگىنىڭ ءاربىر سالاسىندا ترانسپورتتان تكش دەيىن قولايلى جاڭا شەشىمدەر جاسالادى.
قاتىسۋشىلارعا قويىلاتىن باستى كريتەري – يننوۆاتسيالىق, تەحنولوگيالىق ءونىم جاساۋ. جوبانى ىسكە اسىرۋ ەڭ ءبىرىنشى استانادا, ءارى قاراي بۇكىل قازاقستانعا باعىتتالادى. ودان باسقا, ورتالىقتىڭ جۇمىسى قالا ەكونوميكاسىنا وڭ ىقپالىن تيگىزىپ, بولاشاقتا حالىقارالىق ارەناعا شىعۋى مۇمكىن», - دەپ ءتۇسىندىردى يننوۆاتسيالىق ەكوجۇيەنى دامىتۋ ورتالىعىنىڭ باس مەنەدجەرى جاسۇلان كەنجەعاليەۆ.
قازىرگى تاڭدا «BI Property» كومپانياسى «Hilton Astana» وتەلىنىڭ تەرريتورياسىندا جوبانى ىسكە تولىقتاي قوسۋ ءۇشىن كەڭسە دايىنداۋدا. جوندەۋ جۇمىستارى وسى جىلدىڭ 1 جەلتوقسانىنا دەيىن اياقتالادى.