قر بىلىم جانە عىلىم ءمينيسترىنىڭ "ورتا ءبىلىم بەرۋ ۇيىمدارىندا 2018 - 2019 وقۋ جىلىنىڭ باستالۋىن, ۇزاقتىعىن جانە كانيكۋل كەزەڭدەرىن ايقىنداۋ تۋرالى" 2018 جىلعى 5 شىلدەدەگى № 322 بۇيرىعىنا سايكەس 2018-2019 وقۋ جىلىنىڭ باستالۋى - 2018 جىلعى 1 قىركۇيەكتە, - دەپ حابارلايدى استانا قالاسىنىڭ بىلىم باسقارماسىنىڭ ءباسپاسوز قىزمەتى.
وقۋ جىلىنىڭ ۇزاقتىعى مەكتەپالدى دايىندىق سىنىپتارىندا - 32 وقۋ اپتاسى, 1-ءى سىنىپتاردا - 33 وقۋ اپتاسى, 2-11(12) سىنىپتاردا - 34 وقۋ اپتاسى. مەيرام كۇندەرىنە تۇسكەن ساباقتار وقۋ باعدارلاماسى مازمۇنىنىڭ كىرىكتىرىلۋى ەسكەرىلە وتىرىپ, قايتالاۋعا ارنالعان ساعاتتار ەسەبىنەن كەلەسى جۇمىس كۇندەرىنە اۋىستىرىلادى.
سونداي-اق, بۇرىقتا وقۋ جىلى بارىسىنداعى كانيكۋل كەزەڭدەرى دە بەكىتىلگەن. 1-11 (12) سىنىپتاردا: كۇزگى كانيكۋل - 7 كۇن (2018 جىلعى 29 قازان - 4 قاراشانى قوسا العاندا), قىسقى - 10 كۇن (2018 جىلعى 31 جەلتوقسان - 2019 جىلعى 9 قاڭتاردى قوسا العاندا), كوكتەمگى - 13 كۇن (2019 جىلعى 21 ناۋرىز - 2 ءساۋىردى قوسا العاندا);
مەكتەپالدى دايارلىق سىنىپتارىندا: كۇزگى كانيكۋل - 7 كۇن (2018 جىلعى 29 قازان - 4 قاراشانى قوسا العاندا), قىسقى 14 كۇن (2018 جىلعى 27 جەلتوقسان - 2019 جىلعى 9 قاڭتاردى قوسا العاندا), كوكتەمگى – 15 كۇن (2019 جىلعى 21 ناۋرىز - 4 ءساۋىردى قوسا العاندا);
مەكتەپالدى دايارلىق سىنىپتارى مەن 1-ءى سىنىپتاردا 7 كۇن مەرزىمدە (2019 جىلعى 4-10 اقپاندى قوسا العاندا) قوسىمشا كانيكۋل بەلگىلەنەدى.