قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ قىزىلوردا وبلىسى بويىنشا دەپارتامەنتىنىڭ ۇيىمداستىرۋىمەن مەملەكەتتىك كورسەتىلەتىن قىزمەتتەر جارمەڭكەسى وتكىزىلدى.
جارمەڭكەنىڭ ماقساتى – تۇرعىندارعا وبلىستىڭ ورتالىق جانە جەرگىلىكتى اتقارۋشى ورگاندارىمەن كورسەتىلەتىن مەملەكەتتىك قىزمەتتەردى اقپاراتتاندىرۋ, ساپالى قىزمەت كورسەتۋ, ەلەكتروندى تۇردە كورسەتىلەتىن قىزمەتتەردىڭ قولجەتىمدىلىگىن قامتاماسىز ەتۋ جانە سالا ماماندارىنان زاڭگەرلىك كەڭەس الۋ بولىپ تابىلادى.
جارمەڭكەگە حالىقتىڭ سۇرانىسى جوعارى جەر, الەۋمەتتىك, ءبىلىم, تۇرعىن ءۇي, ساۋلەت جانە قۇرىلىس, احاج, ادىلەت, سالىق, كوشى-قون سالالارى بويىنشا قىزمەتتەر كورسەتەتىن ۋاكىلەتتى ورگاندار, حالىققا قىزمەت كورسەتۋ ورتالىعى, «قازپوشتا» اق قىزىلوردا وبلىسى بويىنشا فيليالى جانە «تۇرعىن ءۇي قۇرىلىس جيناق بانكى» اق وبلىستىق فيليالى قاتىستى.
- «جارمەڭكە بارىسىندا 200-دەن استام قالا تۇرعىنىنا ءتۇرلى قىزمەتتەر كورسەتىلدى. تۇرعىنداردىڭ باسىم بولىگى بالالاردى مەكتەپكە قابىلداۋ مەن باسپانا ماسەلەسى بويىنشا «7-20-25», «وردا» باعدارلامالارى توڭىرەگىندە ساۋالدارمەن جۇگىندى. سونداي-اق, قىزمەت كورسەتەتىن ورگاندارمەن ازاماتتارعا تۇرعىن ءۇي, جەر, بالاباقشا كەزەگىنە قويۋ, ەلەكتروندىق كىلت الۋ, «ە-gov» ەلەكتروندىق پورتالىنا ۇيالى تەلەفون نومەرلەرىن تىركەۋ جانە تاعى دا باسقا قىزمەت تۇرلەرى كورسەتىلىپ, ءتيىستى كەڭەستەر بەرىلدى», دەدى دەپارتامەنتتىڭ مەملەكەتتىك قىزمەتتەر باسقارماسىنىڭ باسشىسى عالىمجان ىلكىباەۆ.
اتالعان جارمەڭكە جىل باسىنان بەرى شيەلى, ارال, قازالى, قارماقشى اۋداندارىندا وتكىزىلگەن بولاتىن. الداعى ۋاقىتتا وبلىس ورتالىعىندا جانە باسقا اۋدانداردا دا جالعاسىن تاباتىن بولادى.