بۇگىندە ەلوردادا مەكتەپ مۇعالىمدەرىنىڭ جەتىسپەۋشىلىگى بار. قالا اكىمدىگى ءدال سول ورىندارعا كەلەتىن مامانداردىڭ باسپانا ماسەلەسىن دە شەشۋگە ءازىر, دەپ xابارلايدى قازاقپارات ءتىلشىسى.
ءبىلىم باسقارماسىنىڭ باسشىسى ءانۋار جانعوزيننىڭ ايتۋىنشا, قازىرگى كەزدە ءبىر جاتاقxانانىڭ قۇرىلىسى اياقتالۋعا جاقىن. ول 188 كوشەسىنىڭ بويىندا (سەيفۋللين كوشەسىنىڭ باسىندا) ورنالاسقان. سول جەرگە اكىمدىك بىلىكتىلىگى جوعارى ءارى تاجىريبەسى بار مۇعالىمدەردى ورنالاستىرۋدى كوزدەيدى. سەبەبى ءدال سونداي ماماندار ەلوردانىڭ ءبىلىم بەرۋ سالاسىن دامىتۋعا ءوز ۇلەستەرىن قوسا الادى.
"بۇدان بولەك, ءبىز ايماقتاردان كەلەتىن ماماندارعا xوستەلدەردى ۇسىنامىز. ول جەردە ءبىر جاتىن ورىننىڭ باعاسى 35 000 - 45 000 مىڭ تەڭگەنىڭ اينالاسىندا. نەگىزى, ونداي جەرلەردە دە جاقسى جاعداي جاسالعان", - دەدى ءا.جانعوزين.
ونىڭ ايتۋىنشا, الداعى ۋاقىتتا بيۋدجەت سالاسىنىڭ ماماندارى ءۇشىن شاعىن پاتەرلەردى سالۋ جوسپارلانىپ وتىر. "استاناعا جىل سايىن ايماقتاردان 400-500 مۇعالىم كەلەدى. ولاردىڭ بارلىعى جالعىز ەمەس, وتباسىلارى بار. ارينە, ءبارىن جاتاقxانامەن قامتاماسىز ەتۋ مۇمكىن ەمەس. سول سەبەپتى ازىرشە تەك ۇزدىكتەرگە عانا جاتاقxانا بەرەمىز. ماسەلەن, ۋنيۆەرسيتەت تۇلەگى بولسا, ونىڭ جەتىستىكتەرى مەن تاعىلىمداماسى ەسكەرىلەدى. البەتتە, ەڭبەك ءوتىلى بار ماماندارعا دا باسا نازار اۋدارىلادى", - دەپ اتاپ كورسەتتى ءا.جانعوزين.
ايتا كەتەيىك, بۇگىندە ەلوردادا مەكتەپكە دەيىنگى وقىتۋ, ماتەماتيكا, ورىس ءتىلى مەن ادەبيەت, اعىلشىن ءتىلى بويىنشا مامان تاپشىلىعى بار. وسىعان وراي, 11 تامىزدان باستاپ قالادا اپتا سايىن بوس ورىندارى جارمەڭكەسىن وتكىزۋ جوسپارلانىپ وتىر.
"استانادا جۇمىس ىستەيتىن پەداگوگتار ماڭىزدى وقيعالاردى بەل ورتاسىندا جۇرەدى. ءبىلىم بەرۋ سالاسىنداعى بارلىق جاڭالىقتاردى دا ءبىرىنشى بولىپ بىلەدى, xالىقارالىق جوبالارعا دا قاتىسادى. ولار ۇنەمى ءوز بىلىمدەرىن شىڭداي الادى. سوندىقتان بىلىكتى مامانداردى ەلورداعا شاقىرامىز", - دەيدى جارمەڭكە ۇيىمداستىرۋشىلارى.