بۇگىن قازاقتىڭ ۇلى اقىنى اباي قۇنانباەۆتىڭ 173 جىلدىعىنا وراي «جاس وتان» ەلىمىزدىڭ بارلىق ايماعىندا جاستار اراسىندا كۆەست ۇيىمداستىردى.
«اباي سالعان دارا جول» دەپ اتالعان ويىنعا قاتىساتىن 4 توپ قالالاردا ورنالاسقان بىرنەشە بەكەتكە بارىپ, اقىن تۋرالى سۇراقتارعا جاۋاپ بەرۋ ارقىلى جاسىرىن ولەڭدى العاشقى بولىپ تابۋى كەرەك بولدى. ويىن سوڭى ايماقتارداعى كىتاپحانالاردىڭ بىرىندە جەڭىمپازداردى ماراپاتتاۋ مەن اقىننىڭ ءومىرى مەن شىعارماشىلىعىنا ارنالعان كەشكە ۇلاستى.
استانا قالاسىندا جارىس «نۇر وتان» پارتياسىنىڭ استانا قالالىق فيليالىنىڭ عيماراتىنان باستالىپ, ەڭ سوڭعى بەكەت №5 بالالار كىتاپحاناسىندا اياقتالدى. كۆەست بارىسىندا قاتىسۋشىلار ماتەماتيكالىق ەسەپ شەشتى, قالا كوشەلەرىن ارالاپ كارتادا كورسەتىلگەن بەكەتتەردى ىزدەدى, اباي تۋرالى ءتۇرلى سۇراقتارعا جاۋاپ بەرىپ, اقىن تۋرالى بىلىمدەرىن ورتاعا سالدى.
قاتىسۋشىلاردىڭ ايتۋى بويىنشا ويىن فورماتىندا وتكەن جارىستا ولار اقىن تۋرالى بىلىمدەرىن تەرەڭدەتە تۇسكەن. «باسقا توپتارمەن باسەكەلەستىك جارىستى قىزدىرا ءتۇستى», دەيدى قاتىسۋشىلاردىڭ ءبىرى. ويىننىڭ سوڭعى نۇكتەسى كىتاپحاناعا ءبىرىنشى بولىپ كەلگەن جانە جاسىرىلعان ولەڭدى دۇرىس تاپقان توپ جەڭىسكە جەتتى. ەلىمىزدىڭ تۇكپىر-تۇكپىرىندە جاستار ۇلى ابايدىڭ تۋعان كۇنىن وسىلايشا اتاپ ءوتتى.