قر ءبىلىم جانە عىلىم مينيسترلىگىنىڭ ماماندارى 3,6-8-سىنىپتارعا ارنالعان وقۋ ادەبيەتتەرىن باسىپ شىعارۋ ءارى ءبىلىم بەرۋ مەكەمەلەرىنە جونەلتۋ بارىسىنداعى جۇمىستارمەن تانىستىرۋ ماقساتىندا الماتى قالاسىندا ءباسپاسوز وكىلدەرىمەن كەزدەسىپ, وقۋلىقتاردىڭ دايىندالۋ وندىرىسىنە قاتىستى ارنايى تۋر وتكىزدى.
قازىرگى كەزدە رەسپۋبليكا وڭىرلەرىنە وقۋلىقتار جەتكىزۋ قارقىندى ءجۇرىپ جاتىر. «پوليگرافكومبينات» وندىرىستىك كەشەنىندەگى باسپاحانا جۇمىستارىمەن تانىستىرۋ بارىسىندا «اتامۇرا» كورپوراتسياسىنىڭ پرەزيدەنتى راقىمعالي قۇل-مۇحاممەد «پوليگرافكومبينات» وندىرىستىك كەشەنىنىڭ وقۋلىقتار شىعارۋداعى جەتىستىكتەرىنە توقتالدى. ال «پوليگرافكومبينات» جشس ديرەكتورى ىدىرىس بەگاليەۆ جەتپىس جىلدان اسا تاريحى بار ءوندىرىس ورنىنداعى جۇمىس بارىسىمەن تانىستىردى. وقۋلىقتاردىڭ باسپادان كەيىنگى باسپاحانا ءوندىرىسى تۋرالى كەڭىنەن بايانداپ, كىتاپ بولىپ تۇپتەلىپ, ايماقتارعا جونەلتۋگە دەيىنگى بارلىق كەزەڭدەردى قامتىپ ءوتتى.
وندىرىستىك كەشەن جۇمىسىنان كەيىن №159 مەكتەپتە باسپاگەرلەر, وقۋلىق اۆتورلارىنىڭ قاتىسۋىمەن ارنايى ءباسپاسوز ءماسليحاتى ءوتتى. اتالعان شارانى جۇرگىزگەن قر ءبىلىم جانە عىلىم ءمينيسترىنىڭ كەڭەسشىسى مايراش تايكەنوۆا وقۋلىقتاردىڭ دايىندىق بارىسىنا توقتالىپ, ءسوز كەزەگىن كاسىبي ماماندارعا ۇسىندى. ءوز كەزەگىندە «وقۋلىق» رەسپۋبليكالىق عىلىمي-پراكتيكالىق ورتالىعىنىڭ ديرەكتورى بەيبىتگۇل كارىموۆا 2018-2019 وقۋ جىلىندا 3,6-8-سىنىپتارعا ارنالعان وقۋلىقتاردىڭ ءبىلىم ۇدەرىسىنە ەنگىزىلۋ بارىسىنان حاباردار ەتتى. بەيبىتگۇل سارسەمحانقىزىنىڭ ايتۋىنشا, اتالعان وقۋلىقتار پيلوتتىق مەكتەپتەردە سىناقتان ءوتىپ, قوعامدىق باعالاۋ, عىلىمي-پەداگوگيكالىق ساراپتاما كەزڭدەرىنەن وتكەن. قازىرگى كەزدە وقۋ ادەبيەتتەرىنىڭ تىزبەسىنە ەنگىزىلگەن.
وقۋلىقتاردىڭ دايىندالۋ بارىسىنا قاتىستى «اتامۇرا» كورپوراتسياسىنىڭ پرەزيدەنتى راقىمعالي قۇل-مۇحاممەد, «مەكتەپ» باسپاسىنىڭ باس ديرەكتورى ەرلان ساتىبالديەۆ, «الماتىكىتاپ باسپاسى» جشس پرەزيدەنتى گاۋحار سايماساەۆا جانە وقۋلىق اۆتورلارى كوپتەگەن ماڭىزدى ماسەلەلەردى ورتاعا سالىپ, جۋرناليستەردىڭ سۇراقتارىنا جاۋاپ بەردى.
ەلۆيرا سەرىكقىزى,
«ەگەمەن قازاقستان»
الماتى