ماڭعىستاۋ وبلىسىندا جاڭا جاتاقحانا پايدالانۋعا بەرىلدى

جۋىردا پرەزيدەنتتىڭ «بەس الەۋ­مەتتىك باستاماسى» اتتى حالىققا ۇن­دەۋىندەگى ء«اربىر وتباسىنا باسپانا الۋدىڭ جاڭا مۇمكىندىكتەرىن بەرۋ» تاپ­سىر­ماسى اياسىندا ماڭعىستاۋلىق بيۋدجەت سالاسى قىزمەتكەرلەرىنىڭ كوزايىم قۋانىشىنا اينالعان جاڭالىق مۇناي­لى اۋدانىنىڭ ماڭعىستاۋ اۋىلىندا جۇزەگە استى. جالپى, قۇرىلىس الاڭى شامامەن 2,5 مىڭ شارشى مەتردى قۇرايتىن اۋ­ماقتا ەكى عيماراتتان تۇراتىن ءجۇز ورىن­دىق جاتاقحانا سالىنىپ, ونىڭ جان-جاعى اباتتاندىرىلدى, جاسىل جەلەك جا­مىلعان الاڭدا جاياۋ جۇرگىنشىلەر جولىنا اسفالت پەن كەسپە تاستار توسەلدى.

قۇنى 840 ميلليون تەڭگە تۇرا­تىن جاتاقحانا «نكوك» كومپانيا­سى­نىڭ ماڭىزدى الەۋمەتتىك جانە ينفرا­قۇرىلىمدىق جوبالارى شەڭبەرىندە جۇزەگە اسىرىلدى. قۇرىلىس جۇمىستارى ءبىر جىلعا جەتەر-جەتپەس مەرزىم ىشىندە اياقتالعان جاتاقحانادا اس ءۇي, جۋىناتىن بولمە, كىرەبەرىس جانە زات ساقتايتىن قويمامەن قاتار تۇرمىسقا قاجەتتى زاتتاردىڭ بارلىعى بار.

– كومپانيا 2017-2018 جىلدار ارالىعىندا ماڭعىستاۋ اۋىلىنا كىتاپحاناسىمەن بىرگە 500 ورىندىق مادەنيەت ءۇيى, ماڭعىستاۋ اۋىلىندا 160 ورىندىق دەنە شىنىقتىرۋ-ساۋىقتىرۋ كەشەنىنىڭ قۇرىلىسى مەن ماڭعىستاۋ-5 ەلدى مەكەنىنەن 15 شاقىرىم اۆتوكولىك جولىنىڭ قۇرىلىسىنا 3 ميلليارد تەڭگەدەن استام قاراجات ءبولىپ, مۇنايلى اۋدانىنىڭ الەۋمەتتىك دامۋىنا ءوز ۇلەستەرىن قوسۋدا, – دەدى ە.توعجانوۆ. ايماق باسشىسى ءوز كەزەگىندە «نكوك» كومپانياسىنىڭ جۇمىسىنا دا وڭ باعا بەرە كەتتى.

– كونسورتسيۋم مىندەتى – جەرگىلىكتى جۇرتشىلىقتىڭ قاجەتتىلىكتەرىن تىكەلەي قامتۋ. سونىمەن قاتار كونسورتسيۋم بۇل ايماقتاردا الەۋمەتتىك جوبالارعا ۇلكەن قاجەتتىلىك بار ەكەنىن ەسكەرە وتىرىپ, ماڭعىستاۋ جانە اتىراۋ وبلىستارىندا بىرقاتار قوسىمشا جوبانى جۇزەگە اسىرۋدا, دەيدى «نكوك» كومپانياسىنىڭ باسقارۋشى ديرەكتورى برۋنو جاردەن.

قىركۇيەك ايىندا مۇنايلى اۋ­دا­نى­­نىڭ قىزىلتوبە جانە باسقۇدىق اۋىل­دار­ىن­دا مەكتەپ اشىلادى دەپ جوس­پارلانۋدا.

گۇلايىم شىنتەمىرقىزى, «ەگەمەن قازاقستان»