وڭىردەگى قوعامدىق دەنساۋلىق ساقتاۋ دەپارتامەنتىنىڭ مالىمەتىنشە بۇل جۇمىس بارىسى تامىز ايىنىڭ سوڭىنا دەيىن جالعاسادى. قىركۇيەكتە سۋدىڭ ساپاسى جايلى تولىق انىقتاما بەرىلەدى.
دەپارتامەنت باسشىسى يرينا سوروكينانىڭ ايتۋىنشا, تەكسەرۋ ناتيجەلەرى شىققان سوڭ, اۋىلداردى تازا اۋىز سۋمەن قامتۋ جۇمىسى ودان ءارى جۇرگىزىلەدى. اۋىلداردا تۇراتىن تۇرعىنداردىڭ اۋرۋعا شالدىعۋ سەبەپتەرىنىڭ سۋ ساپاسىنا بايلانىسى بار جوعى دا زەرتتەلەدى. سۋدىڭ سىناماسى قۇبىرلاردان, بلوك-مودۋلداردان الىنۋدا.
ناتيجەسىندە, ەرتىس اۋدانى, ەكىباستۇز قالاسىنا قاراستى اۋىلدىق اۋماقتارداعى سۋدىڭ ساپاسى كۇتكەن دەڭگەيدە بولماي شىققان. جەكەلەگەن قۇدىقتارداعى ميكروبيولوگيالىق جاعداي ءار اۋداننىڭ اۋىلدارىنان بايقالىپتى.
مىسالى, قالا ىرگەسىندەگى مويىلدى اۋىلىندا كۇنىنە 1000 ليتر تازا سۋ تۇتىنادى. 10 ليتر سۋدىڭ باعاسى – 5 تەڭگە. كەشەندى بلوك مودۋل جوندەۋدەن ءوتىپ, تۇرعىندارعا تازا اۋىز سۋ بەرۋدە. اۋىلىداعى كبم, سۋ مۇناراسى, كارىز جۇيەلەرىنە مەردىگەرلەر قاراۋىندا. سۋ ساپاسىن, سۇزگىلەردىڭ ۋاقىتىلى اۋىستىرىلۋىن دا باقىلايدى. ءار اۋىلعا وسىنداي مەردىگەر قاجەت-اق.
وبلىستىق دەنساۋلىق ساقتاۋ باسقارماسى سۋدىڭ ساپاسنىڭ ناشارلىعى دەنساۋلىققا اسەرىن تيگىزەتىنىن ايتۋدا. وڭىردە نەسەپ-تاس اۋرۋى مەن گاستروەنتورولوگيالىق پاتولوگياسى بار تۇرعىندار كورسەتكىشى جوعارى دەگەن مالىمەت بەرۋدە. وڭىردەگى اۋىلدىق اۋماقتاردا 221 مىڭ 261 ادام تۇرادى.
فاريدا بىقاي,
«ەگەمەن قازاقستان»
پاۆلودار
سۋرەتتى تۇسىرگەن ۆالەري بۋگاەۆ