جيىندا مينيستر «تسيفرلىق قازاقستان» باعدارلاماسىنىڭ بەس باعىتىن قىسقاشا ءتۇسىندىرىپ بەردى.
ءبىرىنشى باعىت ول - ينفراقۇرىلىمدى دامىتۋ. «قازاقستاندا 25 جىلدىڭ ىشىندە 20 مىڭ شاقىرىم بايلانىس جەلىلەرى تارتىلدى. ەندى, پرەزيدەنت ءۇش جىلدىڭ ىشىندە ءدال سونداي جوسپار ورىندالسىن دەپ وتىر. وسىنىڭ ناتيجەسىندە بارلىق ەلدى مەكەندەردە ساپالى بايلانىس بولادى. دەمەك, تاعى شامامەن 3 ميلليون ادامعا بايلانىس جەلىلەرى تارتىلادى», - دەدى ول.
ەكىنشى باعىت - كرەاتيۆتى قوعامدى قۇرۋ. بۇل دەگەنىمىز, xالىق تسيفرلاندىرۋدىڭ بارلىق جاڭالىقتارى - سان الۋان قوسىمشالار, ونلاين قىزمەتتەر جانە تاعى باسقا يننوۆاتسيالاردى كەڭىنەن قولدانۋى قاجەت. ول ءۇشىن كرەاتيۆتى قوعام, ياعني زامان تالابىن تۇسىنەتىن ازاماتتار كوپ بولۋى ءتيىس. «ارينە, xالىق تسيفرلاندىرۋدى تۇسىنبەسە, وسى سالاداعى شارالاردى اتقارۋ قيىن. سول سەبەپتى ەل ازاماتتارىن تسيفرلىق نەگىزدەرگە جان-جاقتى ۇيرەتۋ تۋرالى شەشىم قابىلداندى», - دەدى ول.
ءۇشىنشى باعىتقا سايكەس, وتاندىق ەكونوميكانى تسيفرلاندىرۋ قاجەت. سوندا ەڭبەك ونىمدىلىگى ارتادى, بارلىق پروتسەستەر جىلدام جۇرەدى. باعدارلاماعا سايكەس, ءۇش جىلدىڭ ىشىندە شامامەن 120 كاسىپورىن ەلەكتروندى باسقارۋ جۇيەلەرىن ەنگىزەدى.
ء«تورتىنشى باعىت - تسيفرلىق مەملەكەت. بارلىق انىقتامالار ەلەكتروندى فورماتتا بەرىلۋى كەرەك.
ال بەسىنشى باعىت بويىنشا ءبىز تىڭ يدەيالار مەن تەxنولوگيالار ءۇشىن ورتا قالىپتاستىرۋىمىز قاجەت», - دەدى مينيستر اباەۆ.
سونىمەن قاتار, مينيستر اباەۆتىڭ ايتۋىنشا, بۇگىندە قازاقستاندا بلوكچەين تەxنولوگياسى نەگىزىندە بىرنەشە جوبا قولعا الىندى. اتاپ ايتقاندا, ۇلتتىق بانك ءوزىنىڭ قۇندى قاعازدارىنا دەلدالسىز قارجى قۇيۋ قىزمەتىن ىسكە قوستى. باس پروكۋراتۋرا اكىمشىلىك قۇقىق بۇزۋشىلىقتاردىڭ بىرىڭعاي رەەسترىن قۇرۋعا كىرىستى. ال قارجى مينيسترلىگى قوسارلانعان قۇن سالىعىن اكىمشىلەندىرۋ بويىنشا بلوكچەين تەxنولوگياسىن قولدانۋدى كوزدەيدى.
«بۇدان بولەك, اۋىل شارۋاشىلىعى, ساۋدا مەن قۇقىقتى تىركەۋ سالاسىندا اتالعان تەxنولوگيانى ەنگىزۋ جوسپارى بار. ارينە, تەxنولوگيالىق ترانسفورماتسيا كەزىندە بىرلەسىپ جۇمىس ىستەگەن دۇرىس. ءبىز ونى جاقسى تۇسىنەمىز. وسى ورايدا G20 ەلدەرىنىڭ تاجىريبەسىن اتاپ وتكەن ءجون. ولار كريپتوۆاليۋتالاردى رەتتەۋدىڭ ورتاق ەرەجەلەرىن ازىرلەۋدى كوزدەيدى. نەگىزى, ءبىز قىرعىز ارىپتەستەرىمىزبەن جاقسى جۇمىس ىستەپ جاتىرمىز. ەكى جاقتى فورماتتا بولسىن, ەۋرازيالىق ەكونوميكالىق وداق اياسىندا دا بىرلەسىپ جۇمىس ىستەيمىز», دەدى د.اباەۆ.
ءمينيستردىڭ سوزىنە قاراعاندا, بۇگىندە Astana hub پەن قىرعىزستانداعى جوعارى تەxنولوگيالار پاركى تىعىز جۇمىس جاساۋعا دايار. وسى ارىپتەستىك اياسىندا كريپتوۆاليۋتالاردى زەرتتەۋ شارالارى بىرلەسىپ اتقارىلادى دەگەن سەنىم بار.
ايتا كەتەيىك, اتالعان جيىنعا وڭتۇستىك كورەيا, قىرعىزستان, بەلارۋس پەن قازاقستاننىڭ IT ماماندارى قاتىستى.