دەنيس تەننىڭ ولىمىنە قاتىستى ءۇشىنشى ادام - جانار تولىباەۆا 2 ايعا قاماۋعا الىندى, دەپ حابارلايدى الماتى قالالىق سوتتىڭ ءباسپاسوز قىزمەتى.
بۇعان دەيىن قر باس پروكۋراتۋراسى سپورتشى دەنيس تەننىڭ ولىمىنە قاتىستى ءۇشىنشى ادامنىڭ ۇستالعانى تۋرالى حابارلاعان.
الماتى قالالىق سوتى ءباسپاسوز قىزمەتىنىڭ مالىمەتىنشە, ۇستالعان ادامعا قاتىستى 2 ايعا قاماۋ تۋرالى بۇلتارتپاۋ شاراسى قولدانىلدى.
«المالى اۋداندىق سوتىنا جانار تولىباەۆانى ەكى ايعا قاماۋعا الۋ تۋرالى بۇلتارتپاۋ شاراسىن سانكتسيالاۋعا ءوتىنىش ءتۇستى. ايەل ادام قر قك 434-بابى مەن 188-بابىنىڭ 2-بولىمىمەن 2 ايعا قاماۋعا الىندى», - دەپ حابارلايدى قالالىق سوتتان.
ايتا كەتەيىك, قر قك 434-بابى بويىنشا, بولعان نەمەسە جوسپارلانعان قىلمىس تۋرالى اقپاراتتى ۋاقتىلى حابارلاماعانى ءۇشىن كۇدىكتى 14 ملن 400 مىڭ تەڭگە ايىپپۇل تولەۋى نەمەسە 6 جىلعا باس بوستاندىعىنان ايىرىلۋى مۇمكىن. سونداي-اق, بويجەتكەن كۇدىكتى قر قك 188-بابى ۇرلىق جاساعانى ءۇشىن ايىپتالۋدا. ەگەر ونىڭ اتالعان باپ بويىنشا كىناسى دالەلدەنگەن جاعدايدا, ول 1000 اەك, ياعني 2 ملن 405 مىڭ ايىپپۇل تولەپ نەمەسە 3 جىلعا دەيىن سوتتالادى