ورتالىق كوممۋنيكاتسيالار قىزمەتىندە «قازاقستاندىقتاردىڭ شەتەلدەگى م ۇلىكتەرىنە جۇرگىزىلەتىن مونيتورينگتى كۇشەيتۋ» تاقىرىبىندا سالىق سالۋ ءادىسناماسى دەپارتامەنتىنىڭ ديرەكتورى قايرات جولمۇحامبەتوۆتىڭ قاتىسۋىمەن ءباسپاسوز ءماسليحاتى ءوتتى.
ول مەملەكەت باسشىسىنىڭ تاپسىرماسى اياسىندا حالىقارالىق ستاندارتتارعا, سونىڭ ىشىندە ەكونوميكالىق ىنتىماقتاستىق جانە دامۋ ۇيىمىنىڭ ستاندارتتارىنا ساي بولۋ ماقساتىنداعى شارالاردىڭ ورىندالىپ جاتقانىن العا تارتتى.
«وسى قادام شەڭبەرىندە ەىدۇ-مەن ىنتىماقتاستىقتىڭ جول كارتاسى قابىلداندى. ەىدۇ-نىڭ نەگىزگى كونۆەنتسيالارىنىڭ ءبىرى – 1988 جىلى ستراسبۋرگتە بەكىتىلگەن سالىقتىق ماسەلەلەر بويىنشا ءوزارا اكىمشىلىك كومەك تۋرالى كونۆەنتسيا. بۇل قاتىسۋشى ەلدەردىڭ سالىق ورگاندارى اراسىندا سالىقتىق اقپارات الماسۋ تاجىريبەسىنىڭ تيىمدىلىگىن ارتتىرۋعا باعىتتالعان. ونىڭ تەتىگى اعىمداعى كونۆەنتسيالارمەن جانە كەلىسىمدەرمەن سالىستىرعاندا بىرقاتار ماڭىزدى ارتىقشىلىققا يە. ال ەكىجاقتى كەلىسىمدەردىڭ مۇمكىندىكتەرى شەكتەۋلى, سەبەبى, تەك كورپوراتيۆتىك جانە جەكە تابىس سالىعىنا قولدانىلادى. اقپارات الماسۋ جازباشا وتىنىشتەر نەگىزىندە جۇزەگە اسىرىلادى, بۇل پروتسەستى ەداۋىر باياۋلاتادى. ستراسبۋرگ كونۆەنتسياسى سالىقتىڭ بارلىق تۇرىمەن جانە قاتىسۋشى ەلدەردىڭ سالىق تولەۋشىلەرىنە قاتىستى كەز كەلگەن اقپاراتپەن ءوزارا الماسۋعا مۇمكىندىك بەرەدى. قاجەتتى اقپاراتتى الۋ ادىستەرى جەڭىلدەتىلگەن. جازباشا سۇراۋلاردان باسقا ستراسبۋرگ كونۆەنتسياسى جەكە سۇراۋلار مەن حاتتاردى جىبەرمەستەن اۆتوماتتى تۇردە الماسۋ مۇمكىندىگىن ۇسىنادى. كونۆەنتسيا ەرەجەلەرi قاتىسۋشى ەلدەردىڭ ءوز اۋماعىندا سالىق قارىزدارىن الۋ ماسەلەسىندە كومەك كورسەتۋ تۋرالى ءوزارا مىندەتتەمەلەرىن قاراستىرادى. مۇددەلى ءار ەلدىڭ اۋماعىندا ءبىر مەزگىلدە سالىقتىق تەكسەرۋ جۇرگىزۋدىڭ قۇقىقتىق نەگىزىن بەلگىلەيدى. قاجەت بولعان جاعدايدا, قازاقستاندىق سالىق قىزمەتىنىڭ وكىلدەرى كونۆەنتسياعا قاتىسۋشى ەلدە جۇرگىزىلەتىن سالىقتىق تەكسەرۋلەرگە قاتىسا الادى. وسىعان بايلانىستى قازاقستان ستراسبۋرگ كونۆەنتسياسىن قىسقا مەرزىمدە قابىلداۋعا قىزىعۋشىلىق ءبىلدىردى. ناتيجەسىندە ستراسبۋرگ كونۆەنتسياسىنا قازاقستان 2013 جىلى قول قويىپ, 2014 جىلدىڭ جەلتوقسان ايىندا راتيفيكاتسيالاندى. بۇگىندە حالىقارالىق كەلىسىمگە 124 ەل قوسىلدى. ولارعا ەىدۇ, G20 ەلدەرى كىرەدى», دەدى ول.
قايرات جولمۇحامبەتوۆ ستراسبۋرگ كونۆەنتسياسىنىڭ شەڭبەرىندە وسى ەلدەردىڭ سالىق قىزمەتتەرىمەن بايلانىس ورناتۋ ماڭىزدى ەكەنىن تىلگە تيەك ەتتى.
«ستراسبۋرگ كونۆەنتسياسىنا قاتىسۋشى ەلدەردىڭ تىزىمىنە وففشورلىق 45 يۋريسديكتسيالار كىرەدى. اتالعان جايت الەمدەگى سالىقتىق اقپاراتپەن الماسۋ ماسەلەسى بويىنشا اشىقتىققا بەت الۋ ءۇردىسىن كۋالاندىرادى. كونۆەنتسيانىڭ ماڭىزدى ەلەمەنتى – اۆتوماتتى الماسۋ. وسىعان بايلانىستى G20 ەلدەرى ەىدۇ-مەن بىرلەسىپ قارجىلىق اقپاراتتى اۆتوماتتى الماسۋ تۋرالى كوپجاقتى كەلىسىمشارتتى (CRS) ازىرلەدى. بۇل كەلىسىم 2014 جىلى بەرلين قالاسىندا جۇزەگە اسىرىلدى. كەلىسىمنىڭ ءماتىنى مەن تۇسىنىكتەمەسى G20 ەلدەرى تاراپىنان 2014 جىلدىڭ ماۋسىم ايىندا ماقۇلداندى. ناتيجەسىندە, اعىمداعى جىلدىڭ 26 ماۋسىمىندا مەملەكەتتىك كىرىس كوميتەتى كوپ- جاقتى كەلىسىمگە قول قويدى. كەلىسىمدى جۇزەگە اسىرۋ ماقساتىندا قازاقستان ەىدۇ-نىڭ سالىقتىق اقپاراتتى الماسۋ ستاندارتتارىن جۇزەگە اسىرۋ بويىنشا جۇمىس توبىنا كىردى, سونداي-اق ەلىمىزدىڭ ىشكى زاڭناماسىنا قوسىمشالار مەن وزگەرىستەر ەنگىزەتىن وزگەرتۋلەر جوباسى ازىرلەندى. 2020 جىلدىڭ قىركۇيەك ايىندا 102 ەلدەن جانە سالىق يۋريسديكتسيالارىنان ءبىزدىڭ بارلىق قارجى شوتتارى تۋرالى اقپارات الىنادى. ەىدۇ ەلدەرىندە, ونىڭ ىشىندە گەرنسي, دجەرسي, مەن, بەرمۋد جانە كايمان ارالدارى, شۆەيتساريا, ليۋكسەمبۋرگ, ليحتەنشتەين جانە باسقا دا ەلدەردەن اقپارات الىنادى. قازاقستان جاعى ءبىزدىڭ بانكتەردەن رەزيدەنت ەمەستەردىڭ شوتتارى تۋرالى اقپاراتتار سۇرايدى جانە ونى جەكە دەرەكتەردى قورعاۋ تۋرالى زاڭداردى ساقتاي وتىرىپ, شەتەلدىكتەر تۇراتىن مەملەكەتتەردىڭ سالىق ورگاندارىنا جىبەرەدى. بۇل اقپاراتتا شوت ۇستاۋشىسىنىڭ اتى-ءجونى جانە سالىق ءنومىرى, سونداي-اق دەپوزيتتەردەن, ديۆيدەندتەردەن, اكتيۆتەردى ساتۋمەن جانە ساقتاندىرۋدىڭ جەكەلەگەن تۇرلەرىنەن تۇسكەن كىرىستەر تۋرالى اقپارات بولادى», دەدى سالىق سالۋ ءادىسناماسى دەپارتامەنتىنىڭ ديرەكتورى.
ستاتيستيكالىق دەرەكتەرگە قاراساق, 2017 جىلى 68 مىڭنان استام ادام 240 نىسان بويىنشا دەكلاراتسيا تاپسىرعان, ونىڭ ىشىندە 27 مىڭنان استامى الەمنىڭ 108 ەلىندەگى شەتەل بانكتەرىنىڭ شوتتارىنا جالپى سوماسى 820,9 ملرد تەڭگەگە اقشا جاريالاعان. نەگىزگى ەلدەر – سينگاپۋر, شۆەيتساريا, ليۆان, وڭتۇستىك كورەيا جانە رەسەي. بۇدان باسقا, دەكلاراتسيالاردا 69 ەلدە ورنالاسقان 12 مىڭنان استام جىلجىمايتىن م ۇلىك كورسەتىلگەن. قازاقستان ازاماتتارىنا تىركەلگەن جىلجىمايتىن م ۇلىكتىڭ ەڭ كوبى رەسەي فەدەراتسياسىنىڭ اۋماعىندا. نەگىزگى ەلدەر – رەسەي, بولگاريا, تۇركيا, يسپانيا, ۇلىبريتانيا, اقش, فرانتسيا.
«سالىق نىساندارىندا كورسەتىلگەن اقپاراتتىڭ تولىقتىعى مەن ۋاقتىلىعىن قامتاماسىز ەتۋ ماقساتىندا ستراسبۋرگ كونۆەنتسياسىنا قاتىسۋشى ەلدەردىڭ بارلىق سالىق ورگانىنان قازاقستاننىڭ ازاماتتارىندا جىلجىمايتىن م ۇلىكتىڭ بولۋى تۋرالى اقپاراتتى سۇراتۋعا مۇمكىندىگىمىز بار. مىسالى فرانتسيانىڭ قۇزىرەتتى ورگانىنىڭ مالىمەتى بويىنشا, قازاقستان رەزيدەنتتەرىنە تەك 60-قا جۋىق جىلجىمايتىن م ۇلىك تيەسىلى. وسى مۇمكىندىكتى پايدالانىپ, سانكتسيالاردى بولدىرماۋ ءۇشىن شەتەلدە قولدا بار اكتيۆتەردى دەكلاراتسيالاۋ تۋرالى سالىق زاڭناماسىنىڭ تالاپتارىن قاتاڭ ساقتاۋ كەرەكتىگىن ەسكە سالعىم كەلەدى», دەدى ق.جولمۇحامبەتوۆ.
راۋان قايدار,
«ەگەمەن قازاقستان»