ليساكوۆ قالاسىندا كراسنووكتيابر بوكسيت باسقارماسىنىڭ جەرگىلىكتى اسحانادان تۇستىك تاماق ىشكەن 37 جۇمىسشىسى ۋلانىپ قالدى. وبلىستىق دەنساۋلىق ساقتاۋ باسقارماسىنىڭ مالىمەتىنشە, مەديتسينالىق كومەككە 37 ادام جۇگىنگەن, سونىڭ 26-ى اۋرۋحاناعا جاتقىزىلعان.
«جۇمىسشىلار ورتا اۋىرلىقتا ۋلانعان, ولاردىڭ ومىرىنە قازىر قاۋىپ جوق, بارلىعى ەم الىپ جاتىر. اسحانادا دايىندالعان تۇستىك تاماقتان ۋلانعان, جاعداي باقىلاۋدا ۇستالىپ وتىر, زارداپ شەككەندەرگە بارلىق قىزمەت ۇيىمداستىرىلدى» دەپ حابارلايدى وبلىستىق دەنساۋلىق ساقتاۋ باسقارماسى باستىعىنىڭ ورىنباسارى ەكاتەرينا سلوبودەنيۋك.
ورىن العان جاعدايدى وبلىستىق قوعامدىق دەنساۋلىق قورعاۋ دەپارتامەنتىندەگىلەر دە باقىلاۋدا ۇستاپ وتىر. دەپارتامەنتتىڭ ماماندارى ليساكوۆ قالاسىنداعى وقيعا باسىنا جەتتى.توتەنشە جاعداي تۋرالى قوعامدىق دەنساۋلىق دەپارتامەنتىنىڭ ىقزمەتكەرلەرى الداعى كۇندەرى ءباسپاسوز ءماسليحاتىن وتكىزەتىنىن حابارلادى.
ءنازيرا جارىمبەت
«ەگەمەن قازاقستان»
قوستاناي