بۇگىن ۇكىمەت ۇيىندە پرەمەر-مينيستر باقىتجان ساعىنتاەۆ وداق توراعاسى ۇلىقبەك ەسداۋلەت باستاعان «قازاقستان جازۋشىلار وداعى» رەسپۋبليكالىق قوعامدىق بىرلەستىگىنىڭ وكىلدەرىمەن كەزدەسۋ وتكىزدى, دەپ حابارلايدى primeminister.kz سايتى.
كەزدەسۋ بارىسىندا قازاقستان جازۋشىلار وداعىنىڭ جاڭا شىعارماشىلىق جوبالارى مەن قازىرگى ماسەلەلەرى تالقىلاندى. قازاقستاننىڭ جازۋشىلار وداعى — ەلىمىزدىڭ ادەبيەتشى قاۋىمىن بىرىكتىرەتىن رەسپۋبليكالىق قوعامدىق بىرلەستىك فورماسىنداعى شىعارماشىلىق ۇيىم.
وداقتىڭ قۇرىلىمىندا قازاق, ورىس, ۇيعىر (1932 جىلدان باستاپ), نەمىس جانە كارىس (1977 جىلدان باستاپ) ادەبيەتى بويىنشا شىعارماشىلىق سەكتسيالار بار. وڭىرلىك قۇرىلىمىندا — استانا, قاراعاندى, سەمەي, ورال, شىمكەنتتە وبلىسارالىق بولىمشەلەرى بار.