ماڭعىستاۋ وبلىسىنا جۇمىس ساپارىمەن كاسىپوداقتار فەدەراتسياسىنىڭ توراعاسى باقىتجان ءابدىرايىم كەلىپ, وبلىس اكىمىمەن كەزدەسۋدە وڭىردەگى الەۋمەتتىك ارىپتەستىكتى نىعايتۋ, قىزمەتكەرلەردى الەۋمەتتىك قولداۋ جانە الەۋمەتتىك-ەڭبەك قاتىناستارى ماسەلەلەرىن تالقىلادى.
– ءبىزدىڭ مىندەتىمىز – قىزمەتىمىزدىڭ الەۋمەتتىك باعىتىن جاقسارتۋ. كاسىپوداقتار مەن ولاردىڭ وتباسى مۇشەلەرىنىڭ اراسىندا ساۋىقتىرۋ ءىس-شارالارىن ۇيىمداستىرۋ, كۋرورتتىق ەمدەۋ ورتالىقتارىن دامىتۋ, بالالار مەن جاسوسپىرىمدەردى بۇقارالىق دەنە شىنىقتىرۋ جانە سپورتتىق ۇيىرمەلەرگە باۋلۋ, دەدى باقىتجان ءابدىرايىم.
– قازىرگى كۇنى قوعامدا وزگەدەن وزىق, ءبىتىم-بولمىس جاعىنان ەشكىمگە ۇقساي بەرمەيتىن, رۋحاني جانە ماتەريالدىق جاعىنان سالماقتى ورنى بار كاسىپوداق – حالىق اراسىندا زور سەنىمگە, ايتۋلى بەدەلگە يە ۇيىم. بۇل قوعامدىق ۇيىم جەرگىلىكتى جەردەگى سان قىرلى قىزمەتتى ۇيىمداستىرۋشى قاراپايىم قىزمەتكەرلەر مەن جۇمىسكەرلەردىڭ جاناشىرى. قاراپايىم ەڭبەك ادامىنىڭ الەۋمەتتىك جاعىنان تولىق قامتىلىپ, ەڭبەك قۇقىقتارىنىڭ ساقتالۋى – ونىڭ الاڭسىز جۇمىسىن ىستەۋى مەن ەڭبەگىنىڭ ناتيجەلى بولۋىنىڭ, ولاردىڭ مۇڭ-مۇقتاجدارىن جەدەل شەشۋگە اتسالىساتىن بىردەن – ءبىر ورىن. جۇمىسشىلاردىڭ وسى يگىلىكتەرگە يە بولۋىنا ءاربىر ۇجىمداعى كاسىپوداق ۇيىمى مۇددەلى. سوندىقتان كاسىپوداق ۇيىمىنىڭ جۇمىسى ارقاشاندا دۇرىس باعالانۋى ءتيىس, دەدى ءوڭىر باسشىسى ەرالى توعجانوۆ.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى