استانادا ورتالىق ازيا ەلدەرىنىڭ حالىقارالىق بي فەستيۆالى باستالدى

22 شىلدە مەن 5 تامىز ارا­لىعىندا باس قالانى بي دۋمانىنا بولەيتىن ونەر مەرەكەسى مادەنيەت جانە سپورت مينيسترلىگىنىڭ, استانا قالاسى اكىمدىگىنىڭ قولداۋىمەن قازاق ۇلتتىق حورەوگرافيا اكا­دەميا­سى مەن اقش-تىڭ قازاقستانداعى ەلشىلىگىنىڭ ۇيىم­داستىرۋى نەگىزىندە ەل­ور­دادا بيىل تۇڭعىش رەت ءوتىپ وتىر. ورتالىق ازيا ەل­­دە­رىنە ورتاق فەستيۆالدە قازاقستان, تۇرىكمەنستان, تا­­جىكستان, قىرعىزستان جا­نە وزبەكستاننىڭ تالانت­تى بيشىلەرى مەن حورەوگرافتا­رى باس قوسىپ, بي ونە­رى­نىڭ الەمدىك دەڭگەيدەگى شەبەر­لە­رىنەن ءدارىس الىپ, ءوزارا تا­جىريبە الماسادى. اتاپ اي­تار بولساق, فەستيۆال با­رى­سىندا اقش-تان ارنا­يى شاقىرىلعان كەترين پيل­كين­گتون جانە دەل فينا سىندى ايگىلى حورەوگرافتار ەكى اپتالىق شەبەرلىك ساباقتارىن جۇرگىزەدى. حورەوگرافيانىڭ الدىڭعى قاتارلى شەبەر­لە­رى قاتىسۋشىلارعا نەو­كلاس­سيكالىق بالەت, كونتەمپوراري, مودەرن, برودۆەي, دجاز, حيپ-حوپ, سونىمەن قا­تار حورەوگرافيانىڭ فوتو-ۆي­دەو ءتۇ­سىرىلىمى مەن ارت-مە­نەد­ج­مەنت تاقىرىپتارىنا ارنا­يى سكيلل-اپ وتكىزەدى.

ۇيىمداستىرۋشىلاردىڭ اي­­تۋىنشا, اقش-تىڭ قازاق­ستان­­داعى  ەلشىلىگى استانا قا­لا­­س­ى­نا 30 گرانت, ايماقتارعا – 50 جانە ورتالىق ازياعا 20 گرانت ءبولىپ, جاستاردىڭ ايتۋ­لى شاراعا تەگىن قاتى­سۋ­ىنا كەڭ جول اشىپ وتىر. سو­نىمەن قاتار بۇگىنگى تاڭ­دا كەز كەلگەن بيزنەستىڭ ما­ڭىز­دى بولىگى سانالاتىن قۋ­ات- ­تى قۇرال – جارنامالىق جۇ­مىستار, سونداي-اق  فوتو مەن كينو ونەرىندە ءساتتى يگە­رى­لىپ جۇرگەن زاماناۋي تسيفرلى تەحنولوگيانىڭ ايتۋ­لى جەتىستىكتەرىن بي ونەرى­ن­دە ۇتىمدى پايدالانۋ مەن جالپى حورەوگرافيانىڭ مار­كەتينگ پەن بايلانىس سالالارىندا كەڭ داعدىعا يە بو­لۋى باعىتىنداعى ءتيىمدى تا­سىلدەردى يگەرۋ جانە ونى تا­جى­ريبەدە قولدانۋ جولدارى­نا جان-جاقتى توقتالىپ, ۇي­رە­نۋ­شىلەرگە قۇندى كەڭەستەر بە­رىلەدى. 

«شارانىڭ تۇڭعىش رەت قازاقستاندا ۇيىم­داس­تى­رى­لۋ­ىنىڭ ءوزى كوپ نار­سە­نى اڭ­عار­تادى. نەگىزگى ماق­سا­­تىمىز – ەلى­مىزدى, جاس اس­تانامىزدى قا­زىر الەمدى جاۋ­لا­عان زاما­ناۋي ءبيدىڭ ور­تا­­لىعى ەتۋ», دەيدى Central Asian Dance فەستيۆالىنىڭ ۇي­ىم­داستىرۋشىسى مەرەي زەي­نەش.

ايتۋلى فەستيۆالدىڭ باستى ەرەكشەلىگى – شاراعا تەك كاسىبي بيشىلەر قاتىسادى.  ارنايى تالاپ نەگىزىندە ىرىك­تە­لىپ الىنعان  ۇزدىك 100 قاتى­سۋ­شى فەستيۆال سوڭىندا العان دارىستەرى مەن شەبەرلىك ساباقتارىنىڭ قورىتىندىسى رەتىندە 5 تامىز كۇنى «ونەر زورلىق-زومبىلىققا قارسى» اتتى گالا-كونتسەرت وتكىزەدى. ەكى اپتا بويى ەلوردا ءتورىن دۋمانعا بولەيتىن ايتۋلى بي فەستيۆالى جاستاردىڭ ءوزارا مادەني جانە كاسىبي تاجىريبە ال­ماسۋىنا نەگىز بولىپ, ور­تا­­لىق ازيا اۋماعىندا نەو­كلاس­سيكالىق جانە زاماناۋي حورەوگرافيانىڭ دامۋىنا ۇلەسىن قوسادى دەپ كۇتىلۋدە.

نازەركە جۇماباي,

«ەگەمەن قازاقستان»