ۇلتتىق ۇلان دەلەگاتسياسى تۇركيادا بولدى

العاشقى كۇنى قازاقستاندىق اسكەري دەلەگاتسيا ىستانبۇل قالاسى جاندارمەرياسىنىڭ قولباسشىسى, گەنەرال-لەيتەنانت نۋح كوروگلۋمەن كەزدەسىپ, كوپ ميلليوندى مەگا­پو­ليستەگى جاندارمەريانىڭ اتقاراتىن قىزمەتىمەن تانىستى.    كەلەسى كۇنى  قازاقستاندىق دەلەگاتسيا انكاراعا جول تارتىپ, تۇر­كيا رەسپۋبليكاسىنىڭ قورعانىس ءمينيسترى, ارميا گەنەرالى حۋلۋسي اكار, تۇركيا رەسپۋبليكاسى قارۋلى كۇشتەرىنىڭ باس شتابىنىڭ باستىعى, ارميا گەنەرالى ياشار گيۋلەر جانە تۇركيا جاندارمەرياسىنىڭ باس قولباسشىسى, ارميا گەنەرالى اريف چەتينمەن كەزدەسۋ وتكىزدى. ساپار بارىسىندا جوعارى لاۋازىمدى اس­كەريلەر ەكىجاقتى قارىم-قاتىناس تۋرالى ءسوز ەتتى. تۇرىك تارابى  ۇلتتىق ۇلان ءۇشىن اسكەري كيىم ۇل­گى­لەرى مەن قارۋ-جاراق, ارنايى قۇرال­دار, وق-دارىلەردى جەتكىزۋگە ىنتا تا­نى­تىپ وتىر. وسىدان كەيىن قازاق­ستان­دىق دەلەگاتسيا نازارىنا قور­عانىس-ونەركاسىپتىك كەشەنىنىڭ «نۋر­ولتەحنولودجي», «AVS», «گازي في­شەك» ونەركاسىپتەرى ۇسىنىلدى. ءارى قاراي قازاقستاندىقتار جان­­دار­مەريانىڭ جەدەل شتاب ورتا­لىعىندا بولىپ, مەملەكەتتىك شەكا­رانى بارلاۋ جانە پيلوتسىز ۇشۋ اپ­پا­رات­تارىن قولدانۋ ارقىلى كۇزەتۋ مۇم­كىندىكتەرى, سونداي-اق بىرە­گەي اق­پاراتتىق كەڭىستىككە بىرىك­تى­رىلگەن تۇلعالار مەن كولىك قۇرال­دارىن تانيتىن ءموبيلدى جۇيەمەن تانىستى. سونىمەن قاتار ساپار اياسىندا تۇرىك اسكەريلەرى كريمينالدىق ورتا­لىقتا ارنايى وپەراتسيالاردى قام­تاماسىز ەتۋ قۇرىلعىلارىنىڭ كورمەسىن ۇيىمداستىردى. دەلەگاتسيا مۇشە­لەرى ينجەنەرلىك قىزمەت مۇل­كىنە قى­زى­عۋشىلىق تانىتىپ, ارنايى ينجە­نەرلىك تەحنيكا مەن مينا-ىزدەۋ قۇ­رالدارى بار روبوتتار نازارعا ىلىكتى.  كەلىسسوزدەر بارىسىندا ما­مان­­دار­دىڭ كاسىبيلىگىن جوعارى­لاتۋ جانە  اسكەري ءبىلىم بەرۋ بو­يىنشا ما­سە­لەلەردىڭ شەشى­لۋى قارالدى. وسىلايشا, جان­دار­مەريا ۋچيليششە­سىندە وقىتى­لاتىن قازاقستان كۋر­سانت­تارىنىڭ سانىن جىلىنا  8 ادامعا دەيىن كوبەيتۋ تۋرالى شەشىم قابىلداندى. سونداي-اق تۇركيا رەسپۋبليكاسىنىڭ اكادەميا­لارىندا تۇركيا اسكەري وقۋ ورىندارىن اياقتاعان قازاقستان ۇلتتىق ۇلانىنان جىبەرىلگەن تۇلەكتەردىڭ وقۋلارىن ءارى قاراي جالعاستىرۋ تۋرالى كەلىسىمگە قول جەتكىزىلدى. بۇدان بولەك تۇركيا وقۋ ورىندارى بازاسىندا ارنايى ماقساتتاعى ماماندارمەن (مەرگەن, جارعىش تەحنيك, سۋعا سۇڭگۋشى جانە تاعى باسقا)  وتكىزىلەتىن كۋرستاردىڭ سانى ارتتى. تۇركيا ىشكى ىستەر ءمينيسترى جانە جاندارمەريا باس قول­باس­شىسىمەن كەزدەسۋ بارىسىندا  قازاقستان ۇلتتىق ۇلانىن ەۋروپا جانە ورتالىق تەڭىز ەلدەرىنىڭ جاندارمەريا جانە پوليتسيا كۇشتەرىنىڭ قاۋىمداستىعى (FIEP) قۇرامىنا كىرگىزۋ ماسەلەسى ءسوز ەتىلدى. اتالعان  ۇيىمعا بىرقاتار ەۋروپا مەملەكەتتەرى مۇشە. بۇل ءوز كەزەگىندە ۇلاندىقتارعا اسسوتسياتسيا مۇشەلەرىنىڭ ارنايى بولىمشەلەرى ارەكەتىنىڭ تاكتيكاسىن ۇيرەنۋگە, ولاردىڭ وقۋ-ماتەريالدىق بازاسىندا جيىن دايىندىقتارىن وتكىزۋگە, سونداي-اق بولىمشەلەردىڭ ماتەريالدى-تەحنيكالىق قامتىلۋىن كوتەرۋگە مۇمكىندىك بەرەدى.  تاجىريبە الماسۋ اياسىندا تۇرىك تارابى جىل سايىنعى «اسكەري كەرنەي» حالىقارالىق اسكەري-مۋزىكالىق فەستيۆالعا قاتىسۋعا, سونداي-اق الماتى وب­لىسى 5574 اسكەري ءبولىمى ارنايى ماقساتتاعى بولىمشەلەردى جاۋىن­گەرلىك جانە ادىستەمەلىك دايىنداۋ ورتالىعى بازاسىندا وتەتىن ارنايى ماقسات بولىمشەلەرىنىڭ وقۋ-جاتتىعۋلارىنا قاتىسۋعا ىنتا تانىتتى.  ساپار بارىسىندا قازاق­ستان­دىق دەلەگاتسيا «اتاتۇرىك» كەسە­نە­سى­نە بارىپ, گۇل شوقتارىن قوي­دى.

«ەگەمەن-اقپارات»