پارلامەنت سەناتىنىڭ دەپۋتاتتارى داۋرەن ادىلبەكوۆ پەن راشيت اكىموۆ اقمولا وبلىسىنا جۇمىس بابىنداعى ساپارى اياسىندا مەملەكەت باسشىسى ن.ءا.نازارباەۆتىڭ بەس الەۋمەتتىك باستاماسىنىڭ ورىندالۋ بارىسىمەن تانىستى. پارلامەنتشىلەر باستامانىڭ ءار تارماعى بويىنشا وزەكتى ماسەلەلەردى, پىكىرلەر مەن ۇسىنىستاردىڭ توپتاماسىن جيناقتاۋدى جوسپارلاپ وتىر, دەپ حابارلايدى سەناتتىڭ ءباسپاسوز قىزمەتى.
وبلىستىق ءماسليحاتتىڭ وتىرىسىندا ايماقتا جۇرگىزىلگەن جۇمىستاردىڭ ارالىق ناتيجەلەرى ساراپقا سالىندى, جينالىسقا وبلىستىق باسقارمالار باسشىلارى, ەكىنشى دەڭگەيدەگى بانكتەردىڭ وكىلدەرى قاتىستى. وبلىس اكىمىنىڭ ورىنباسارى قانات ىدىرىسوۆ رەسپۋبليكالىق بيۋدجەتتەن 2019-2021 جىلدارعا ارنالعان تۇرعىن ءۇي قۇرىلىسىنا بولىنەتىن قارجى ەسەبىنەن «7-20-15» باعدارلاماسى بويىنشا ينجەنەرلىك كوممۋنيكاتسيا قۇرىلىسىنا جوسپار جاسالعانى تۋرالى قاتىسۋشىلاردى حاباردار ەتتى.
ەلباسىنىڭ باسقا باستامالارى بويىنشا دا بەلسەندى جۇمىستار جۇزەگە اسۋدا. ەسەپتەۋلەر بويىنشا, وبلىستاعى ەڭبەكاقىسى تومەن 22 مىڭ جۇمىسشىعا ەڭبەكاقىسىن كوتەرۋ ءۇشىن سالىق ازايتىلاتىن بولادى. ستۋدەنتتەرگە ارنالعان جاتاقحانالار سالۋ تەتىكتەرى ازىرلەنۋدە. قازىرگى ۋاقىتتا وبلىستا 2 870 ستۋدەنتتى ورنالاستىرۋ ءۇشىن 11 جاتاقحانا سالۋ قاجەت. كوكشەتاۋ قالاسىنىڭ اكىمدىگى 4,5 گەكتاردان استام ىڭعايلى جەر تەلىمىن بەلگىلەدى. شاعىن جانە ورتا بيزنەسكە شاعىن نەسيە بەرۋدى ۇلعايتۋعا قارجى ءبولۋ جوسپارلانىپ وتىر. سونىمەن قاتار, گازبەن قامتاماسىز ەتۋدىڭ جول كارتاسى ازىرلەندى. ارشالى اۋدانىندا 40 مىڭنان استام ادام تۇرعىنى بار 17 ەلدى مەكەن, تسەلينوگراد اۋدانىندا 90 مىڭنان استام تۇرعىنى بار 7 ەلدى مەكەن گازبەن قامتاماسىز ەتىلەتىن بولادى.
سەناتورلار بەس الەۋمەتتىك باستامانى ىسكە اسىرۋعا قاتىستى جيىنعا قاتىسۋشىلارعا بىرقاتار سۇراقتار قويدى. اتاپ ايتقاندا, د. ادىلبەكوۆ پەن ر.اكىموۆ «7-20-25» باعدارلاماسى بويىنشا نەسيە بەرۋ باستالعانى جانە ونىڭ شارتتارى تۇرعىنداردىڭ تولىق حاباردار ەتىلگەنى تۋرالى سۇرادى. دەپۋتاتتاردىڭ ايتۋىنشا, كەزدەسۋلەر بارىسىندا «7-20-25» باعدارلاماسى بويىنشا نەسيە بەرۋ كەزىندە جاس ەرەكشەلىكتەرىنىڭ ەسكەرىلۋىنە, باعدارلامانىڭ اۋىلدىق جەرلەردە ءۇي ساتىپ الۋ مۇمكىندىگىنە, العاشقى جارنانىڭ تۇرعىن ءۇي باعاسىنىڭ 20 پايىزدان اسۋىنا قاتىستى ساۋالدار ءجيى قويىلدى.
كەزدەسۋ بارىسىندا «7-20-25» باعدارلاماسى بويىنشا وبلىستا تەك ءبىر عانا بانكتىڭ ەكى نەسيە بەرگەنى ايتىلدى. ەندى بولىمشەلەر اۋقىمى كەڭ ءىرى بانكتەردىڭ قوسىلۋى ارقىلى نەسيەلەندىرۋ اياسىن ۇلعايتۋ قاجەتتىگى بەلگىلى بولىپ وتىر. باعدارلاماعا ەكىنشى دەڭگەيلى جەتى بانك قاتىسۋى ءتيىس.
باعدارلامالىق قۇجاتتىڭ باسقا تارماقتارى دا جان-جاقتى قارالدى. وبلىستىق ءماسليحات دەپۋتاتتارى مەن مەملەكەتتىك ورگانداردىڭ باسشىلارىنا بەس الەۋمەتتىك باستامانى ناقتى جاعدايعا مەيلىنشە بەيىمدەۋگە كومەكتەسەتىن ناقتى ۇسىنىستار ايتىلدى.