ورتالىق كوممۋنيكاتسيالار قىزمەتىندە جاڭا وقۋ ماۋسىمىنا دايىندىق تاقىرىبىنا ارنالعان ءباسپاسوز ماسليحاتى ءوتتى. ءىس-شاراعا قازاقستان رەسپۋبليكاسى دەنساۋلىق ساقتاۋ مينيسترلىگى قوعامدىق دەنساۋلىق ساقتاۋ كوميتەتىنىڭ توراعاسى جانداربەك بەكشين قاتىستى.
جانداربەك بەكشين اتاپ وتكەندەي, رەسپۋبليكادا جاڭا وقۋ جىلىندا 7051 جالپى ءبىلىم بەرۋ مەكتەبىنە جانە 255 ينتەرنات ۇيىمىنا وقۋشىلار قابىلداۋ جوسپارلانۋدا. بۇگىنگى كۇنى ولاردىڭ ىشىندە 45 مەكتەپ اپاتتىق جاعدايدا (وقو-دا - 13, جامبىل وبلىسىندا - 9, اتىراۋ وبلىسىندا - 8, شقو-دا - 5, اقتوبە وبلىسىندا - 4, قىزىلوردا وبلىسىندا - 2, الماتى وبلىسىندا - 1, قاراعاندى وبلىسىندا - 2, بقو-دا - 1). وتكەن وقۋ جىلىندا تەندەردىڭ كەش وتكىزىلۋى جانە ۋاقتىلى قارجىلاندىرىلماۋ سالدارىنان جاڭا وقۋ جىلى باستالعانشا 119 مەكتەپتە جوندەۋ مەرزىمىندە اياقتالعان جوق. بيىلعى جىلعى شىلدەدەن باستاپ قوعامدىق دەنساۋلىق ساقتاۋ كوميتەتىنىڭ اۋماقتىق بولىمشەلەرى جەرگىلىكتى اتقارۋشى ورگاندارمەن بىرلەسىپ ءبىلىم بەرۋ مەكەمەلەرىنىڭ وقۋ جىلىنىڭ باستالۋىنا دايىندىعىن باعالاۋ بويىنشا جۇمىستى باستادى.
سونداي-اق قازاقستاننىڭ باس مەملەكەتتىك سانيتاريالىق دارىگەرى جانداربەك بەكشين مەكتەپ فورماسى مەن سومكەلەرىن تاڭداۋعا, وقۋشىنىڭ دۇرىس كۇن ءتارتىبى مەن دۇرىس تاماقتانۋىنا بايلانىستى ۇسىنىمدارمەن ء بولىستى.
ارقاعا اساتىن سومكەنى تاڭداۋ كەزىندە مىناداي ۇسىنىمداردى ساقتاۋ قاجەت:
- ارنايى قاڭقاسى بار ورتوپەديالىق ارقالىعى بار سومكەنى/ريۋكزاكتى تاڭداۋ كەرەك, سالماقتى جانە ومىرتقاعا قىسىمدى بىركەلكى بولەتىن, بالانىڭ ومىرتقاسىن بۇزباي, ونىڭ ارقاسىن تىك قالىپتا ۇستاۋ ءۇشىن قاتتى بولۋى ءتيىس;
- يىقباۋلارى بالانىڭ يىعىن اۋىر سالماقپەن قيىپ كەتپەۋى ءۇشىن سيپاعاندا جاعىمدى, جالپاق ماتەريالدان بولۋى ءتيىس. تۇتقالارىنىڭ ۇزىندىعى رەتتەلۋى ءتيىس, بالا ونى تەك ەكى يىقباۋمەن اسىنۋى, بۇل رەتتە بالانىڭ موينىنا سالماق تۇسپەۋى ءتيىس;
بالالار پورتفەلدەرىندەگى ارتىق سالماق پروبلەمالارىن شەشۋ ءۇشىن 2017 جىلدان باستاپ ءار وقۋشىنى وقۋلىقتاردى, اۋىستىراتىن اياقكيىمدى جانە سپورت كەرەك-جاراقتارىن ساقتاۋعا ارنالعان جەكە شكافپەن قامتاماسىز ەتۋ بويىنشا جوبانى ىسكە اسىرۋ باستالدى. «وسىنداي شارالار ءبىلىم جانە عىلىم مينيسترلىگىمەن جانە قوعامدىق دەنساۋلىق ساقتاۋ كوميتەتى ماماندارىمەن ە. بەكتۇرعانوۆتىڭ جەتەكشىلىك ەتۋىمەن دەپۋتاتتىق توپتىڭ بىرلەسكەن تالقىلاۋىنان كەيىن قابىلداندى. اتالعان شارالار بالالار اراسىندا تىرەك-قوزعالىس اپپاراتى اۋرۋلارىنىڭ الدىن الۋ ءۇشىن قاجەت»,- دەدى جانداربەك بەكشين.
كيىمدى ساتىپ الۋ كەزىندە بالا وسى كيىمدى 5-6 ساعات جانە ودان دا استام ۋاقىت بويى كيەتىنىنە جانە ءبىرىنشى كەزەكتە فورمانىڭ تىگىلگەن ماتەريالىنىڭ ساپاسىنا نازار اۋدارۋى كەرەك. قۇرامىندا سينتەتيكاسى از ماتانى تاڭداعان دۇرىس. كۇندەلىكتى كيۋ ءۇشىن سينتەتيكالىق ماتەريالدان تىگىلگەن فورما سايكەس كەلمەيدى, سەبەبى سينتەتيكالىق تالشىقتاردان اۋا وتپەيدى. ودان باسقا, سينتەتيكالىق تالشىق اللەرگيا تۋدىرۋى مۇمكىن.
«بىراق سينتەتيكادان تولىق باس تارتۋعا بولمايدى, سەبەبى سينتەتيكالىق تالشىق كيىمنىڭ ءپىشىنىن «ساقتايدى», كيىس بەرەدى» - دەپ ءتۇسىندىردى بەكشين. فورما تىگىلەتىن ماتا بالانىڭ دەنەسى دەمالاتىنداي جانە اللەرگيانىڭ الدىن الۋ ءۇشىن گيگيەنالىق قاسيەتكە يە تابيعي ماتەريالداردان (توقىما, ماقتا, جىبەك) جانە ۆيسكوزادان بولعانى دۇرىس.