اتقارىلعان ءىس سارالاندى

جالپىعا ءمالىم, مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قي­مىل اگەنتتىگى مەملەكەتتىك قىزمەت, سىبايلاس جەمقورلىق كورىنىس­تەرىنىڭ الدىن الۋ جانە مەملە­كەتتىك كورسەتىلەتىن قىزمەتتەر ساپا­سىنىڭ ساقتالۋىن باقىلاۋ سالاسىنداعى ۋاكىلەتتى مەم­لە­كەت­تىك ورگان رەتىندە ماڭىزدى مىن­دەت­تەردى اتقارادى. سوعان سايكەس اتالعان القا جۇمىسىندا اگەنتتىك­تىڭ مەملەكەتتىك قىزمەت, مەملە­كەتتىك كورسەتىلەتىن قىزمەت­تەر­دى باقىلاۋ, مەملەكەتتىك قىز­مەت­شى­لەرمەن ادەپ نورمالارىن ساقتاۋ جانە سىبايلاس جەمقورلىقتىڭ الدىن الۋ سالاسىنداعى قىز­مەتى ناتيجەسىمەن قاتار, مەم­لە­كەتتىك ورگانعا باعىنىشتى مەكە­مەلەردىڭ – سىبايلاس جەمقور­لىققا قارسى ءىس-قيمىل ۇلتتىق بيۋروسىنىڭ, پرەزيدەنت جانىن­داعى مەملەكەتتىك باسقارۋ اكادە­مياسى جانە مەملەكەتتىك قىز­مەتتىڭ پەرسونالىن باقىلاۋ ۇلتتىق ورتالىعىنىڭ جارتى­جىل­دىق جۇمىسى تالقىلانىپ, قورىتىندىلاندى.

نەگىزگى باياندامانى جاساعان اگەنتتىك توراعاسى ا.شپەكباەۆ مەملەكەتتىك قىزمەتشىلەرگە جا­لاقى تولەۋدىڭ جاڭا جۇيەسىنىڭ وڭ ناتيجەلەرىنە توقتالدى. ول ء«بىز بۇل باعىتتىڭ جۇزەگە اسى­رى­لۋىنىڭ بەلسەندى ساتىسىنا وتتىك. قازىردىڭ وزىندە كادرلىق تۇراقتىلىق پەن باسەكەلەستىكتىڭ ارتقاندىعى بايقالادى», دەپ اتاپ ءوتتى. بۇل ورايدا قىزمەتشىلەردىڭ باسەكەگە قابىلەتتىلىگىن ودان ءارى ارتتىرىپ, سونداي-اق ادام رەسۋرستارىن باسقارۋدى جەتىلدىرۋ ءۇشىن كادرلىق ءىس جۇرگىزۋ بو­يىنشا جالپى قىزمەت كورسەتۋ ورتالىعىن ەنگىزۋ جوباسى جۇزەگە اسىرىلۋدا. وسىنىڭ ارقاسىندا اگەنتتىكتە 147 كادر بىرلىگى قىس­قارىپ, ناتيجەسىندە 432 ملن تەڭ­گەدەي قارجى ۇنەمدەلمەك. كەلەسى قادام – مەملەكەتتىك ساتىپ الۋلار مەن زاڭگەرلىك قىزمەتتى ورتا­لىقتاندىرۋ. ال ۇنەمدەلگەن قار­جىنى مەملەكەتتىك ورگان باس­شىسى قىزمەتكەرلەردىڭ جالاق­ى­سىنا ۇستەماقى رەتىندە قوسىپ بەرۋگە, ءسويتىپ ولاردى ودان ءارى ادال جانە تابىستى جۇمىس ىستەۋگە ىنتالاندىرۋعا تولىق قۇقى بار. قازىرگى كەزدە 2 ترلن تەڭگە كولەمىندە جالاقى تولەۋ قورى بار ۆەدومستۆولىق باعى­نىش­تى ۇيىمداردا 1,5 ملن ادام جۇ­مىس ىستەۋدە. ۇكىمەتتە ولاردى وڭتاي­لان­دىرۋ جانە توپتاستىرۋ ما­سەلەسى قارالىپ جاتقان كورىنەدى.

جالپى, اگەنتتىك ەڭبەكاقىنى ارتتىرۋ, باسەكەلەستىكتى كۇشەيتۋ سەكىلدى ماسەلەلەردەن باسقا, مەملەكەتتىك قىزمەتكەرلەردىڭ الەۋمەتتىك جاعدايىن جەتىلدىرۋ ماسەلەسىن شەشۋگە دە باستاما كوتەرىپ وتىر. ولاردىڭ اراسىندا جەڭىلدىكپەن تۇرعىن ۇيلەر مەن زەينەتاقى جۇيەسىن ەنگىزۋ, دەنساۋلىقتى تۇزەۋگە جاعداي جاساۋ, سونداي-اق قىزمەتكەرلەر بالالارىنا بالاباقشادان ورىن ۇسىنۋ مەن ورتالىقتاندىرىلعان مەديتسينالىق قىزمەتتەر الۋدى ۇيىمداستىرۋ بار.

اگەنتتىك توراعاسى سىبايلاس جەمقورلىققا قارسى كۇرەستە قول جەتكىزگەن ناتيجەلەرگە توق­تالدى. ونىڭ ايتۋىنشا, ءىس جۇزىندە بارلىق سالادا جوعارى لاۋا­زىمدى تۇلعالاردىڭ قاتىسۋى­مەن جاسالعان سىبايلاس جەمقور­لىقتىڭ كوپتەگەن دەرەگى اشىلىپ, وعان قاتىسى بار 700-دەن استام ادام, ونىڭ 18-ءى رەسپۋبليكالىق, 55-ءى وبلىستىق, 101-ءى قالالىق جانە اۋداندىق بۋىنداردا انىق­تال­عاندىعىن اتاپ ءوتتى. ماسە­لەن, ولاردىڭ اراسىندا ەنەرگە­تيكا ۆيتسە-مينيسترلەرى, سىرتقى سايا­سات ۆەدومستۆوسىنىڭ جاۋاپ­تى حاتشىسى, اۋىل شارۋا­شىلىعى مينيسترلىگى كوميتەت­تەرىنىڭ توراعاسى مەن توراعا­سىنىڭ ورىنباسارلارى, ۇلتتىق كومپانيالاردىڭ توپ-مەنەد­جەرلەرى, قۇقىق قورعاۋ ورگان­دارىنىڭ باسشىلارى, سونداي-اق ءارتۇرلى دەڭگەيدەگى سۋديالار بار.

القا ماجىلىسىندە اگەنتتىكتىڭ بيزنەستى قورعاۋ باعىتىنداعى قىزمەت ناتيجەلەرى دە شى­عا­رىل­دى. مىسالى, وسى كەزەڭدە اگەنت­تىك 300-دەن اسا كاسىپكەردىڭ قۇقى­عىن قورعاعان. بۇل وتكەن جىل­دىڭ كورسەتكىشىمەن (108) سالىس­تىرعاندا 3 ەسەگە كوپ.تەر­گەۋ بارىسىندا كۇدىكتىلەردىڭ م ۇلى­گىنە 4,6 ملرد تەڭگەگە تىيىم سا­لىنعان, بۇل وتكەن جىلدىڭ كور­سەت­كىشىنەن (1,2) 4 ەسەگە ارتىق.

الەكساندر تاسبولات,

«ەگەمەن قازاقستان»