«سەرپىن» – سەرپىندى جوبا

نەگىزى اتالعان جوبانىڭ ەكى ماڭىزدى تۇسى بار. ءبىرىنشىسى ەكونوميكالىق. قازىرگى تاڭدا ەلىمىزدىڭ 9 وڭىرىندە بالا تۋ دەڭگەيى تومەن جانە سىرتقى جاققا كوشىپ-قونۋ باسىم بولعاندىقتان, كادر تاپشىلىعى سەزىلە باستادى. بۇل ماسەلەنىڭ وزەكتىلىگى جىلدان-جىلعا ۋشىعىپ بارادى. الداعى جىلداردا يندۋستريالىق-يننوۆاتسيالىق باعدارلاما اياسىندا ىسكە قوسىلاتىن وندىرىستەردە جۇمىس كۇشىنىڭ تاپشىلىعى ايرىقشا بايقالادى. سوندىقتان «سەرپىن-2050» جوباسى ارقىلى سول وڭىرلەرگە حالىق سانى كوپ وبلىستاردان جاستاردى اكەلىپ, جەرگىلىكتى وقۋ ورىندارىندا قاجەت ماماندىقتار بويىنشا ءبىلىم بەرىپ, جۇمىسقا قالدىرۋ ارقىلى كادر ماسەلەسىن شەشۋ وزەكتى.

ەكىنشى ماڭىزى الەۋمەتتىك پروبلەمالاردى شەشۋ. رەس­پۋب­ليكامىزدىڭ 5 وبلىسىندا بالا تۋ دەڭگەيى جوعارى, تۇرعىندار سانى جىلدان-جىلعا قارقىندى وسۋدە. اتالعان وڭىرلەردە مەكتەپ ءبىتىرۋشى تۇلەكتەردىڭ جەرگىلىكتى جەردە وقۋعا ءتۇسۋى قيىن جانە ماماندىق العاننان كەيىن باسىم كوپشىلىگى جۇمىسسىزدار قاتارىن كوبەيتەدى. جوبا ارقىلى وسى 5 وبلىستا مەكتەپ بىتىرگەن جاس­تارعا 9 وڭىردەگى وقۋ ورىندارىنا «سەرپىننىڭ» ارنايى گرانتى بولىنەدى. سونىمەن قاتار, قو­سىمشا الەۋمەتتىك كومەك كور­سە­تىلىپ, وقىعان وڭىرلەرىندە قو­نىس­تانىپ قالعان جاعدايدا 100 پايىز جۇمىسقا ورنالاسۋعا مۇمكىندىك جاسالادى.

وبلىسىمىزدا «سەرپىن» جوباسى بويىنشا بىرقاتار جۇمىس اتقارىلۋدا. 2014-2015 وقۋ جىلدارىندا زەرەندى اۋدانىنداعى شاعالالى اۋىلىنداعى اگرو­بيزنەس كوللەدجى وڭتۇستىك وڭىر­دەن كەلگەن 75 ءبىلىم الۋشىنى قابىلدادى. ششۋچە قالاسىن­داعى ەكولوگيا جانە ورمان شا­رۋا­شىلىعى كوللەدجىندە 25 جاس ءبىلىم الۋدا. سونداي-اق وسى قالاداعى جوعارى كوللەدج­دە 25 وقۋشى وقىسا, قا­تار­كول اۋىلىنداعى اۋىل شارۋا­شى­لىعى كوللەدجىندە دە 25 ءبىلىم الۋشى باعدارلاما بويىنشا ءبىلىم الىپ, كاسىپ مەڭگەرۋدە. ال تسەلينوگراد اۋدانىنا قاراستى نوۆويشيمكا اۋىلىنداعى №9 اگروتەحنيكالىق كوللەدجدە 50 ادام وقيدى.

وتكەن 2016-2017 وقۋ جى­ل­دا­رىن­دا دا جوعارىدا اتال­عان كول­لەدجدەرگە ۇزىن-ىرعاسى 133 ءبى­لىم الۋشى وقۋعا قابىلداندى. جىل وتكەن سايىن ەلىمىزدىڭ وڭ­تۇس­­تىگىنەن كەلەتىن ءبىلىم الۋ­شى­لار سانى وسە تۇسۋدە. ما­سە­­لەن, 2017-2018 وقۋ جىلدا­رى بۋ­را­­بايداعى قاتاركول كول­­­­لەد­جىنە 20 ادام, زەرەندى اۋدا­نىن­داعى شاعالالى اگروبيزنەس كول­لەدجىنە 115 ادام, كوكشەتاۋ قا­لا­سىنداعى كوپ بەيىندى ازا­مات­­تىق قورعاۋ كوللەدجىنە 20 ادام, شورتاندى اۋدانىنداعى بو­زاي­عىر سەلوسىنداعى №5 اگرو-تەح­­نيكالىق كوللەدجگە 5 ادام ق­ا­بىل­دانسا, وزگە دە بىرقاتار كا­سىپ­تىك-تەحنيكالىق وقۋ ورىندا­رى­نا وقۋعا ءتۇسىپ, ءبىلىم الىپ جات­­قاندار قاتارى از ەمەس. ءبىلىم الۋ­­شىلار جاتاقحانامەن, اي ساي­­ىن تولەنەتىن شاكىرتاقىمەن, ىس­تىق اسپەن جانە قىسقى كيىم-كە­شەكپەن قامتاماسىز ەتىلەدى. جو­عارىدا اتالعان كوللەدجدەردە تاربيە جۇمىسىنىڭ قىز­عى­لىقتى شارالاردى قام­تي­تىن جوسپارى تۇزىلگەن. جال­عىز ءبىلىم عانا ەمەس, ءبىلىم الۋشى جاستاردىڭ بو­يىندا ادامگەرشىلىك قاسيەتتەردى قا­لىپ­تاستىرۋعا دا ايرىقشا ءمان بە­رى­لىپ وتىر.

«ماڭگىلىك ەل جاستارى – ين­دۋس­ترياعا» باعدارلاماسى بو­­­يىن­­­شا ءبىلىم العان ستۋدەنتتەردىڭ ال­عاشقى لەگى 2017 جىلدىڭ اقپان ايىندا ۇلكەن ومىرگە جولداما الدى. شاعالالى سەلوسىنداعى اگروبيزنەس كوللەدجىنەن 63 تۇ­لەك, ششۋچە قالاسىنداعى ەكولوگيا جانە ورمان شارۋاشىلىعى كول­لەدجىنەن 19 تۇلەك وزدەرى قا­لا­عان ماماندىقتى مەڭگەرىپ, جۇ­رەك قالاۋى بويىنشا ەڭبەك ەت­پەك. ءسوز اراسىندا 2016-2017 وقۋ جىلدارىندا اتالعان باع­دار­لاما بو­يىنشا ءبىلىم العان 109 جاستىڭ 80 پايىزعا جۋىعى ءوز ماماندىقتارى بويىنشا جۇ­مىس­قا ورنالاستى. ولار نەگىزىنەن استانا قالاسى مەن اقمولا وبلى­سىندا ەڭبەك ەتۋدى ۇيعارىپ وتىر. اراسىندا جوعارى وقۋ ورىن­­دارىنا ءتۇسىپ, ءبىلىمىن جە­تىل­د­ىرۋدى دۇرىس كورگەندەر دە, رەس­پۋبليكا قارۋلى كۇشتەرى قا­تا­رىندا ازاماتتىق بورىشىن وتەۋ­گە اتتانعاندار دا بار. ەگەر وسىن­داي سەبەپتەردى ەسكەرسەك, كول­لەدجدەن كەيىن ۇلكەن ومىردەن ءوز ورىندارىن تابۋى ءجۇز پايىز بو­لىپ ەسەپتەلەر ەدى.

ەندى «سەرپىن» جوباسى بو­يىن­­شا ءبىلىم العان تۇ­لەك­­تەر­دىڭ كەيبىر پروبلەما­لا­رىن دا ايتا كەتكەنىمىز ءجون بولار. ونىڭ ىشىندە ەڭ ما­ڭىز­دى­سى, تۇ­­­لەك­تەردىڭ ءوز ما­مان­دىق­تارى بوي­­ىنشا جۇمىسقا ورنا­لاس­قا­نى­مەن, تۇرعىن ءۇي ماسەلەسى شە­شى­­مىن تاپپاي وتىر. ەندىگى ءبىر ما­­سەلە, كوللەدج ماماندارىنىڭ وڭ­­تۇستىكتەگى قالىڭ ەلدى ارالاپ, كا­سى­­بي باعدار بويىنشا جارناما جا­ساۋىنا جولساپار شىعىنى ەس­كە­رىلمەگەن.

قورىتا ايتقاندا, جاستار بەل­گىلى ءبىر كاسىپتى يگەرۋگە ىنتا­لى. بۇل ءۇشىن تاماشا جاعداي تۋىپ وتىر. وسى ءبىر مۇمكىندىكتى شال­عايداعى شاعىن اۋىلداردىڭ جاس­تارى دا قالت جىبەرمەسە دەگەن تىلەك بار.

بايقال ءبايادىلوۆ,

«ەگەمەن قازاقستان»

اقمولا وبلىسى