بۇگىن قازاقستان رەسپۋبليكاسىنىڭ سىرتقى ساۋدا پالاتاسى اۋعانستان يسلام رەسپۋبليكاسىنىڭ كابۋل قالاسىنداعى KabulStar وتەلىندە قازاقستان مەن اۋعانستاننىڭ رەسمي وكىلدەرىنىڭ قاتىسۋىمەن ساۋدا-ەكونوميكالىق ميسسياسى وتكىزىلدى دەپ حابارلادى.
قازاقستاندىق بيزنەس وكىلدەرى اۋعانستانعا تاعام, ونىمدەرى, ەنەرگەتيكالىق, قۇرىلىس-مونتاج بەن جوندەۋ-سەرۆيس سالالارىنان بارعان. اۋعان تاراپىنان سول باعىتتاعى 40-تان استام كومپانيا قاتىستى.
اتاپ ايتقاندا, اۋعان كومپانيالارى قازاقستاندىق ءوندىرىس ىشىنەن ۇن, ماكارون ونىمدەرى, ترانسفورماتور جانە تاعى دا باسقا تاۋارلاردىڭ يمپورتىنا قىزىعۋشىلىق تانىتىپ وتىر.
ساۋدا-ەكونوميكالىق ميسسيانىڭ رەسمي دەلەگاتسياسىن قازاقستان رەسپۋبليكاسىنىڭ اۋعانستانداعى ەلشىسى ءالىمحان ەسەنگەلديەۆ, اۋعانستاننىڭ اۋىل شارۋاشىلىعى ءمينيسترىنىڭ ورىنباسارى مەن ەنەرگەتيكا جانە سۋ رەسۋرستارى ءمينيسترىنىڭ ورىنباسارى باسقاردى.
بۇل شارانى ۇيىمداستىرۋعا قازاقستان رەسپۋبليكاسى ينۆەستيتسيالار جانە دامۋ بويىنشا مينيسترلىگى, قازاقستان رەسپۋبليكاسىنىڭ اۋعانستان ەلشىلىگى, «اتامەكەن» كاسىپكەرلەردىڭ ۇلتتىق پالاتاسى, قازاقستاننىڭ سىرتقى ساۋدا پالاتاسى, اۋعانستان ساۋدا-ءوندىرىس پالاتاسى مۇرىندىق بولدى.
ايناش ەسالي, «ەگەمەن قازاقستان»