تاۋەلسىزدىك تويىنا ىقىلاستى قۇتتىقتاۋلار مەن ىزگى تىلەكتەر

 

قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ اتى­­­نا مەملەكەت, ۇكى­­­­­مەت باسشىلارىنان, حالىق­ارا­لىق ۇيىم­دار­دىڭ جەتەكشىلەرىنەن قازاق­ستان رەس­پۋب­ليكاسى ءتاۋ­ەلسىزدىگىنىڭ 20 جىل­دىعىنا باي­لا­نىستى كەلىپ ءتۇسىپ جاتقان قۇتتىق­تاۋ­لار ­جالعاسۋدا. ابدۋللا گۇل, تۇركيا  پرەزيدەنتى. قازاقستان رەسپۋبليكاسىنىڭ پرەزيدەنتى, جوعارى مارتەبەلى نۇرسۇلتان نازارباەۆ مىرزاعا قۇرمەتتى پرەزيدەنت, قىمباتتى باۋىرىم! جوعارى مارتەبەلى ءسىزدى جانە باۋىرلاس قازاقستان حالقىن دوس جانە باۋىرلاس ەل – قا­زاقستان رەسپۋبليكاسى تاۋەلسىزدىگىنىڭ 20 جىل­دىق مەرەيتويىمەن جەكە ءوزىمنىڭ جانە تۇرىك حال­قىنىڭ اتىنان شىن جۇرەكتەن قۇتتىقتايمىن! باۋىرلاس قازاقستاننىڭ, تاۋەلسىزدىگىن العا­لى بەرى وتكەن 20 جىلدىق مەرزىمدە اسا ءمار­تەبەلى ءسىزدىڭ كورەگەن جەتەكشىلىگىڭىز ارقاسىندا ەگەمەندىگىن نىعايتىپ, ەكونوميكاسىن كۇشەيتۋى­نە جانە حالىقارالىق قاۋىمداستىقتىڭ بەدەلدى مۇشەسىنە اينالۋىنا قۋانا-قۋانا كۋا بولدىق. بۇل جەتىستىكتەردى ماقتان تۇتامىز. قازاقستانمەن ارامىزداعى ورتاق ءتىل, تاريح, مادەنيەت جانە قۇندىلىقتاردان قۋات الاتىن بايلانىستارىمىزدىڭ بارلىق سالادا جوعارى دەڭگەيگە كوتەرىلۋى ءبىز ءۇشىن ۇلكەن قۋانىش. ستراتەگيالىق ارىپتەستىك دارەجەسىنە جەتكەن ەكىجاقتى قارىم-قاتىناسىمىزدىڭ الدىمىز­دا­عى كەزەڭدەردە دە ءوزارا مۇددەلەر نەگىزىندە ودان ءارى ارتا تۇسەتىنىنە نىق سەنىمدىمىن. وسى ءساتتى پايدالانىپ, جوعارى مارتەبەلى ءسىز­­گە دەنساۋلىق پەن باقىت, دوس جانە باۋىرلاس قا­­زاق­ستان حالقىنا اماندىق جانە گۇلدەنۋ تىلەيمىن.   ميشلين كالمي-رەي, شۆەيتساريا كونفەدەراتسيا-سىنىڭ پرەزيدەنتى. جوعارى مارتەبەلى پرەزيدەنت! ءسىزدى, قازاقستان ۇكى­مەتى مەن حالقىن قا­­زاقستان رەسپۋب­ليكا­سى­نىڭ تاۋەلسىزدىگىنە 20 جىل تولۋىنا وراي شۆەيتساريا فەدەرالدى كە­ڭەسىنىڭ اتىنان قۇتتىقتاي كەلىپ, ءسىزدىڭ ەلىڭىزدىڭ وركەندەپ, دامۋىنا تىلەكتەستىگىمدى بىلدىرەمىن. ءبىز ەكى ەل اراسىنداعى سوڭعى جىلدارى قا­لىپتاسىپ, نىعايعان دوستىق بايلانىستى باعا­لاي­مىز. ءبىزدىڭ ەلدەردىڭ جوعارى دەڭگەيدەگى كەزدەسۋلەرى دوستىق قارىم-قاتىناسىمىزدىڭ لاي­ىق­­تى دامۋىنا ۇلكەن سەرپىن بەرەتىنىنە سەنىمدىمىن. قازاقستان رەسپۋبليكاسى مەن شۆەيتساريا كون­فەدەراتسياسى اراسىنداعى دوستىق جانە ىنتىماق­تاس­تىقتىڭ بولاشاقتا دا نىعاياتىنىنا سەنىمىم مول.   رەدجەپ تايىپ ەردوعان, تۇرىك رەسپۋبليكاسىنىڭ پرەمەر-ءمينيسترى. قازاقستان رەسپۋبليكاسىنىڭ پرەزيدەنتى, جوعارى مارتەبەلى نۇرسۇلتان نازارباەۆ مىرزاعا قۇرمەتتى پرەزيدەنت, قادىرلى باۋىرىم! ءسىزدى جانە باۋىرلاس قازاقستان حالقىن باۋ­ىرلاس ەل – قازاقستان رەسپۋبليكاسى تاۋەلسىز­دىگىنىڭ 20 جىلدىق مەرەيتويىمەن جەكە ءوزىمنىڭ, ۇكىمەتىمنىڭ جانە تۇرىك حالقىنىڭ اتىنان شىن كوڭىلدەن قۇتتىقتايمىن! تاۋەلسىزدىگىن العان ساتتەن بەرى وتكەن مەرزىمدە ءسىزدىڭ كورەگەن جەتەكشىلىگىڭىزبەن بارلىق سالادا ەلەۋلى جەتىستىكتەرگە قول جەتكىزگەن, حا­لىق­ارا­­­لىق قاۋىمداستىقتىڭ بەدەلدى مۇشەسىنە اي­نالعان جانە ەكونوميكالىق جانە ساياسي تۇراق­تى­لىعىمەن ورتالىق ازيا ايماعىندا جەتەكشى ەل دارەجەسىنە جەتكەن قازاقستاننىڭ گۇلدەنۋ جو­لىن­­داعى ىنتا-جىگەرلەرى ارتا تۇسەتىنىنە نىق سەنىمدىمىن. تۇركيا حالىقتارىمىز اراسىنداعى ورتاق تاريح, مادەنيەت جانە تىلدەن كۇش الىپ, سترا­تەگيا­لىق دەڭگەيىنە كوتەرىلگەن قارىم-قاتىناستا­رى­مىز­دىڭ باۋىرلاستىق نەگىزىندە بارلىق سالادا ودان ءارى نىعايا تۇسۋىنە ۇلكەن ءمان بەرەدى. ءسىز جەتەكشىلىك ەتىپ وتىرعان باۋىرلاس قازاقستاندا دا ءدال وسىن­داي ساياسي ەرىك-جىگەردى كورۋ ءبىزدى قۋانتۋدا. وسى مۇمكىندىكتى پايدالانىپ, سىزگە دەنساۋ­لىق پەن باقىت, باۋىرلاس قازاقستان حالقىنا اماندىق جانە گۇلدەنۋ تىلەيمىن.   اندريس بەرزينش, لاتۆيا رەسپۋبليكاسىنىڭ پرەزيدەنتى. قازاقستان رەسپۋبليكاسىنىڭ پرەزيدەنتى, جوعارى مارتەبەلى نۇرسۇلتان نازارباەۆ مىرزاعا قازاقستان رەسپۋب­­لي­كاسى تاۋەلسىزدىگىنىڭ 20 جىلدىعىنا وراي ءوزىم­نىڭ شىن جۇرەكتەن شىققان قۇتتىقتاۋىمدى بىلدىرۋگە, سونداي-اق ءسىزدىڭ ەلىڭىز بەن حال­قى­ڭىزعا بەيبىتشىلىك پەن ءال-اۋقات تىلەۋگە رۇقسات ەتىڭىز. مەن ءبىزدىڭ ەلدەرىمىزدىڭ اراسىنداعى دوستىق جانە سىندارلى بايلانىستاردى ارقاشاندا قۋا­نا قولدايمىن. لاتۆيا مەن قازاقستاننىڭ بولاشاقتا دا ءوزارا مۇددەلەستىك تۋعىزاتىن ءتۇرلى سالالارداعى قىزمەتتەستىكتى نىعايتا بەرەتىنىنە, سول ارقىلى ءوزارا تۇسىنىستىك پەن دوستىققا جاعداي تۋعى­زى­لاتىنىنا سەنىمىم مول. جوعارى مارتەبەلى, اسا جوعارى قۇرمەتكە دەگەن  سەنىمدى قابىل الىڭىز.   لامبەرتو زاننەر, ەۋروپاداعى قاۋىپسىزدىك جانە ىنتىماقتاستىق ۇيىمىنىڭ باس حاتشىسى. جوعارى مارتەبەلى پرەزيدەنت! قازاقستان تاۋەلسىز­دىگىنىڭ 20 جىلدىعىمەن ءسىزدى شىن جۇرەكتەن قۇتتىقتايمىن. وسى مۇمكىندىكتى پايدالانا وتىرىپ, سىزگە قازاقستان حالقىنىڭ وركەندەۋى مەن تابىسقا جەتۋىنە جەكە تىلەكتەستىگىمدى دە جەتكىزگىم كەلەدى. ءوز مەملەكەتتىلىگىنىڭ 20 جىلى بويىندا قا­زاقستان ساياسي, ەكونوميكا جانە الەۋمەتتىك دامۋدا ايتارلىقتاي جەتىستىكتەرگە قول جەتكىزدى. قا­زاق­ستان ەقىۇ-داعى ىنتىماقتاس­تىق­­­­تى 10 جىل­داي بەلسەندى جۇرگىزىپ كەلەدى جانە دەمو­كرا­تيا­لىق ينستيتۋتتاردى قۇرۋعا ەرەكشە اتسالىسۋدا. پرەزيدەنت مىرزا, ەقىۇ ءىس باسىنداعى ءتور­اعالىعىن جەمىستى اتقارۋ جونىندەگى وقيعامەن جانە استانا ءسامميتتىڭ تابىستى وتكىزىلۋىنە وراي قازاقستاندى جەكە قۇتتىقتاۋ مەن ءۇشىن ۇلكەن مارتەبە. ۇستىمىزدەگى جىلى ءبىز سونداي-اق ەقىۇ ۇشتىگىنىڭ مۇشەسى رەتىندە قازاقستانمەن جۇمىس ىستەۋ مارتەبەسىنە يە بولىپ وتىرمىز, ءاسى­رەسە, ليتۆالىق ءىس باسىنداعى توراعا ۇيىم مەن اۋعانستان ىنتىماقتاستىعىن ءارى قاراي نى­عايتۋ جونىندەگى قازاقستاندىق باستامانى جۇزەگە اسى­رۋدى جالعاستىرىپ كەلەدى. وزىڭىزگە بەلگىلى, ۇيىمنىڭ باستاپقى نۇك­­­تەسى ىرگەلى ەركىندىك پەن دەموكراتيالىق ۇكىمەت, زاڭ ۇستەمدىگىن قامتاماسىز ەتۋ مەن ەنەرگە­تي­كا­لىق قاۋىپسىزدىك, ەكونوميكا مەن ەكولوگيا سالا­سىن­دا­عى ويلى باسقارۋ, مەملەكەتتەر ارا­­­­­سىن­دا­عى سايا­سي-اسكەري ىنتىماقتاستىق جانە قاۋىپ­سىز­دىك ءما­سەلەلەرىندەگى تولىمدى امالدار 56 مۇشە-مەم­لەكەتتەر اراسىنداعى كەلىسىم بو­لىپ تابىلادى. قاۋىپسىزدىك ماسەلەلەرىندەگى وسىناۋ اۋقىمدى كوزقاراس ەقىۇ-نىڭ بەرىك بولىپ قالا بەرۋىنە مۇمكىندىك بەرەدى. مۇنداي قادام استانا مە­رەيتويلىق دەكلاراتسياسىن قابىلداۋعا ۇلاسقان 2010 جىلعى سامميت بارىسىندا بارلىق 56 مۇشە-مەملەكەتتەر تاراپىنان قۇپتالعاندىعىن قوسا ايتقىم كەلەدى. پرەزيدەنت مىرزا, ەقىۇ اتقارۋشى قۇرى­لىم­دارى مەن قازاقستان اراسىنداعى ۇزاق مەرزىمدى ىنتىماقتاستىق ءۇشىن العىسىمدى جەتكىزگىم كەلەدى. 2010 جىلدىڭ 3 ساۋىرىندە ءوزىڭىز قا­ي­تا سايلانعاننان كەيىن ءسىز ۇيىمعا مۇشە ەلدەر ماقۇلداعان سوت بيلىگى جانە زاڭ شىعارۋ سالا­سىن­دا رەفورما جاسايمىن دەپ مالىمدەگەن بولا­تىنسىز. ساياسي رەفورمالاردى جۇزەگە اسىرۋ سا­لا­سىندا ەقىۇ-نىڭ استاناداعى ورتالىعى قا­زاقستانعا ءارى قاراي دا ۇزاق مەرزىمدى قولداۋ كور­سە­تۋگە دايىن ەكەندىگىنە ءوزىڭىزدى سەندىرگىم كەلەدى. ورتاق ءورشىل ماقساتقا جەتۋدە بىرلەسە جۇمىس ىستەۋگە ەقىۇ دايىن ەكەندىگىن اتاپ وتۋگە رۇقسات ەتىڭىز. جوعارى مارتەبەلى پرەزيدەنت, سىزگە دەگەن ەڭ جوعارى سەنىمىمدى قابىلداۋىڭىزدى سۇراي­مىن.