رۋدنىي قالاسىنداعى جەرگىلىكتى پوليتسيا قىزمەتكەرلەرى ماقسۇت دوسىباەۆ پەن رامزان تيمۋحاەۆ كوشەدە جۇرەك تالماسىنان قۇلاعان ازاماتقا جەدەل مەديتسينالىق كومەك كورسەتىپ, ءومىرىن ساقتاپ قالدى.
پاترۋلدە جۇرگەن جەرگىلىكتى پوليتسەيلەر پاركوۆايا كوشەسىندە قۇلاعان ەر كىسىنى بايقاپ قالدى. ولار جىلدام جەتىپ, وعان مەديتسينالىق العاشقى كومەك كورسەتتى.
«ەر كىسىنىڭ وڭ جاعى ۇيىپ, ول ءوز بەتىمەن قوزعالا الماي قالدى. ءبىز «جەدەل جاردەم» قىزمەتىن كۇتىپ تۇرماي, ونى اۋرۋحاناعا جەتكىزدىك. ءبىز ءار مينۋتتىڭ قىمباتتىعىن سەزدىك» دەيدى جول-پاترۋلدىك پوليتسياسى روتا ۆزۆودىنىڭ كومانديرى ماقسۇت دوسىباەۆ.
ناۋقاستى اۋرۋحاناعا جاتقىزعاننان كەيىن پوليتسەيلەر دارىگەرلەردەن ونىڭ ينسۋلت, ودان كەيىن جۇرەك تالماسى بولعانىن ءبىلدى. بۇل كۇندە ناۋقاس قالالىق اۋرۋحانانىڭ جان ساقتاۋ بولىمىندە جاتىر. پليتسيا اعا سەرجانتى ماقسۇت دوسىباەۆ سەگىز جىلدان بەرى ادامداردى بىرنەشە رەت وسىنداي قيىن جاعدايدان امان الىپ شىققان ەدى. ال قاتارداعى پوليتسەي رامزان تيمۋحاەۆ اۋرۋعا العاشقى كومەك كورسەتۋدىڭ قانشالىقتى ماڭىزدى ەكەنىن ءبىرىنشى رەت كوردى.
«ەشقانداي تولقىعانىمدى سەزگەن جوقپىن. ءار پوليتسەي كەز كەلگەن ۋاقىتتا كومەككە دايىن بولۋى كەرەك, سوندىقتان مەديتسينالىق ءبىلىم قىزمەتتىك دايىندىقتىڭ بولىنبەس ءبىر بولىگى» دەيدى رامزان.
جۇرەك تالماسىنان زارداپ شەككەن كىسىنىڭ تۋىسى وبلىستىق ىشكى ىستەر دەپارتامەنتىنىڭ باستىعى بەكەت ايماعامبەتوۆكە پوليتسەيلەرگە جىلدام ءارى ەلگەزەكتىگى ءۇشىن العىس ايتۋدى ءوتىنىپ, حات جازدى.
ءنازيرا جارىمبەت,
«ەگەمەن قازاقستان»
قوستاناي