16-18 شىلدە كۇندەرى «تاۋەلسىزدىك سارايىندا» مادەنيەت جانە سپورت مينيسترلىگى استانا قالاسىنىڭ اكىمدىگى مەن قازاقستان ساۋلەتشىلەر وداعىمەن بىرلەسە حالىقارالىق ساۋلەتشىلەر كونگرەسىن وتكىزەدى.
تاۋەلسىز قازاقستان تاريحىندا 2018 جىل ونىڭ استاناسىنىڭ 20 جىلدىق مەرەيتويى مەن ەرەكشەلەنەدى. بۇگىندە ەلوردانىڭ الەۋەتى, ونىڭ ساياسي, الەۋمەتتىك-مادەني ءومىرىنىڭ قارقىنى, بەيبىتشىلىك جانە كەلىسىم ورتالىعى مارتەبەسى استاناعا تۇرعىنداردىڭ ءارتۇرلى توپتارى مەن الەم ەلدەرىنىڭ كاسىبي جانە ساياسي قاۋىم وكىلدەرىنىڭ نازارىن اۋدارتۋدا. حالىقارالىق ساۋلەتشىلەر كونگرەسىن قازاقستان رەپۋبليكاسىنىڭ ەلورداسىندا وتكىزۋ استانا قالاسىنىڭ 20 جىلدىعىن مەرەكەلەۋ اياسىندا ورايلاستىرىلدى. زاماناۋي دۇنيەجۇزىلىك ساۋلەت ونەرىنىڭ الەمدىك ترەندتەرى,ونىڭ ارحيتەكتۋرالىق كەلبەتى ەلوردانىڭ ايشىقتى ەرەكشەلىگى بولىپ تابىلادى, بۇل ءوز كەزەگىندە سەرپىندى دامىپ جاتقان قالانىڭ قايتالانباس اتموسفەراسىن قۇرايدى. البەتتە, بۇل الەمگە ايگىلى ساۋلەتشىلەر مەن ساۋلەت ونەرىنىڭ وتاندىق مايتالماندارىنىڭ شىعارماشىلىعىنداعى ۇندەستىك ناتيجەسى.
«رۋحاني جاڭعىرۋ» باعدارلاماسىن ىسكە اسىرۋ, قازاقستاندىق قوعامدى جاڭعىرتۋ جاعدايىندا استانانىڭ, ەلىمىزدىڭ قالالارى مەن ەلدى مەكەندەرىنىڭ فيزيكالىق جانە الەۋمەتتىك ورتاسىن ودان ءارى دامىتۋ مەن جەتىلدىرۋ ماسەلەسى تۋىنداپ وتىر. ءوز كەزەگىندە استانا ەلوردا رەتىندە ەلىمىزدىڭ مادەني بەت-بەينەسىن كورسەتەدى. استانانىڭ ەلوردا رەتىندەگى كەلبەتى عاسىرلار بويى ساقتالاتىنداي قالىپتاستىرىلىپ, سايكەسىنشە ونى دامىتۋ ءۇشىن ەرەكشە ويلاستىرىلعان ساۋلەتتىك يدەيالار مەن شەشىمدەر قاجەت. الايدا الەمدىك ساۋلەت ونەرىندەگى جەتىستىكتەرگە بەيىمدەلۋ ۇلتتىق داستۇرلەردىڭ جوعالۋىنا اكەلمەۋى ءتيىس.
كونگرەسستىڭ ماقساتى: كاسىبي تاجىريبە الماسۋ, الەمدىك ساۋلەت ونەرىنىڭ دامۋىنىڭ كونتسەپتۋالدىق-تەوريالىق باعىتتارىمەن جانە ونىڭ نەگىزگى تەندەنتسيالارىمەن تانىسۋ; قازاقستاندىق جانە شەتەلدىك جەتەكشى ساۋلەتشىلەرمەن شىعارماشىلىق بايلانىستار ورناتۋ; قوعامداعى سانانىڭ اشىقتىعىن قالىپتاستىرۋ–ساۋلەت ونەرىندەگى ۇلتتىق مادەنيەتتىڭ ۇزدىك داستۇرلەرىن ساقتاي وتىرىپ, پروگرەسسيۆتى الەمدىك تاجىريبە مەن ءبىلىمدى قابىلداۋ قابىلەتتىلىگىن قالىپتاستىرۋ ارقىلى زاماناۋي وتاندىق ساۋلەت ونەرىن دامىتۋ,
كونگرەسس اياسىندا «قالالىق ورتا: ءداستۇرى مەن كەلەشەگى» تاقىرىبىندا حالىقارالىق عىلىمي-پراكتيكالىق كونفەرەنتسيا وتەدى. كونفەرەنتسيادا پلەنارلىق وتىرىس پەن 2 پانەلدىك سەسسيا وتكىزۋ قاراستىرىلعان:
جاڭا قالالار. جاڭا كەلبەت; الەۋمەتتىك جوبالاۋ. اۋلادان باستاپ قالاعا دەيىنكونگرەسس جۇمىسى شەڭبەرىندە سونىمەن قاتار «قۇندىلىقتاردى سينتەزدەۋ. جاھاندىق كونتەكستەگى لوكالدىق سايكەستىك» تاقىرىبىندا «دوڭگەلەك ۇستەل» وتىرىسى وتكىزىلمەك.
جاس ساۋلەتشىلەر, سونىمەن بىرگە ستۋدەنتتەر ستارتاپ ۋيكەند فورماتىندا وتكىزىلەتىن «قالالىق ورتا: «اقىلدى» اۋدان» بايقاۋىنا قاتىسا الادى.
كونگرەسس اياسىندا شەبەرلىك ساباقتارى, شەتەلدىك تانىمال ساۋلەتشىلەردىڭ دارىستەرى, «ورتانى قالىپتاستىراتىن كىم؟» تاقىرىبىندا ديالوگ الاڭىن وتكىزۋ جوسپارلانعان.
كونگرەسسكە الىس جانە جاقىن شەتەل ساۋلەتشىلەرى; ۇكىمەت پەن بيزنەس وكىلدەرى; ەلىمىزدىڭ بارلىق وبلىستارى مەن رەسپۋبليكالىق ماڭىزى بار قالالارىنان (استانا, الماتى, شىمكەنت) وتاندىق ساۋلەتشىلەر; دەۆەلوپەرلەر, تەحنولوگيالىق كومپانيالار, جوبالاۋ بيۋرولارى, ينجەنەر-جوبالاۋشىلار; جوعارى وقۋ ورىندارىنىڭ ساۋلەت ونەرى فاكۋلتەتىنىڭ ستۋدەنتتەرى; قالا بەلسەندىلەرى, ۋربانيستەر, قازىرگى زامانعى سۋرەتشىلەر; باق وكىلدەرى قاتىسادى.