ۇكىمەت باسشىسى شۆەيتساريانىڭ فەدەرالدىق كەڭەسشىسىمەن كەزدەستى

كەزدەسۋ بارىسىندا ساۋدا-ەكونوميكالىق قارىم-قاتىناستى ودان ءارى نىعايتۋ, ينۆەستيتسيالىق ارىپتەستىك جانە ايماقارالىق ءوزارا ءىس-قيمىل ماسەلەلەرى, سونداي-اق كولىك-لوگيستيكالىق ينفراقۇرىلىمدى دامىتۋ بويىنشا بىرلەسكەن جوبالاردىڭ پەرسپەكتيۆاسى تالقىلاندى.

ب. ساعىنتاەۆ ەلىمىزدىڭ ەنەرگەتيكا, كولىك, شاعىن جانە ورتا بيزنەس سالالارىنداعى تىعىز ءارى ءوزارا ءتيىمدى ىنتىماقتاستىققا, سونداي-اق جاڭا تەحنولوگيالار مەن نوۋ-حاۋ ترانسفەرتىن رەتتەۋگە قىزىعۋشىلىق تانىتاتىنىن اتاپ ءوتتى. بۇگىنگى تاڭدا قازاقستاندا شۆەيتساريالىق كومپانيالاردىڭ قاتىسۋىمەن ماشينا جاساۋ, قۇرىلىس, اگروونەركاسىپ جانە تاۋ-كەن مەتاللۋرگيا كەشەندەرى سالالارىندا جوبالار ءساتتى ىسكە اسىرىلۋدا.

سونىمەن قاتار پرەمەر-مينيستر قر-دا شەتەلدىك ينۆەستورلار ءۇشىن ەلەۋلى سالىقتىق جانە كەدەندىك جەڭىلدىكتەرمەن قولايلى ينۆەستيتسيالىق احۋال جاسالعانىن ايتتى. 2017 جىلدىڭ باسىنان بەرى شۆەيتساريا ازاماتتارى ءۇشىن 30 كۇندىك ۆيزاسىز رەجيم ەنگىزىلدى. قابىلدانعان شارالار الداعى جىلدارى قازاقستان ەكونوميكاسىنا ينۆەستيتسيالار سالىپ, تەحنولوگيالار ترانسفەرتىن جۇزەگە اسىرۋشى شۆەيتساريا كاسىپورىندارىنىڭ سانىن ۇلعايتۋعا جول اشادى.بۇعان قوسا, ب. ساعىنتاەۆ شۆەيتساريانىڭ قارجى ينستيتۋتتارىن «استانا» حالىقارالىق قارجى ورتالىعىنىڭ جۇمىسىنا بەلسەنە قاتىسۋعا شاقىردى جانە شۆەيتساريا مەن قازاقستان حالىقارالىق قارجى قۇرىلىمدارىنىڭ اياسىندا تابىستى ىنتىماقتاسىپ, حالىقارالىق ۆاليۋتا قورى مەن دۇنيەجۇزىلىك بانك جانىنداعى ءبىر توپتىڭ قۇرامىنا كىرەتىنىن اتاپ ءوتتى.

2017 جىلدىڭ قورىتىندىسى بويىنشا قازاقستان مەن شۆەيتساريا اراسىنداعى تاۋار اينالىمى $3,2 ملرد قۇرادى (ەكسپورت — $3,1 ملرد), بۇل 2016 جىلعا قاراعاندا 21% ارتىق. 2018 جىلدىڭ قاڭتار-مامىر ايلارىندا تاۋار اينالىمى $1,14 ملرد قۇرادى ء(وسىم – 95%), ەكسپورت — $1,09 ملرد. 2005–2017 جىلدارى شۆەيتساريادان قازاقستانعا تىكەلەي ينۆەستيتسيالاردىڭ جالپى اعىنى $20,6 ملرد قۇرادى. 1 مامىرداعى جاعداي بويىنشا قر-دا شۆەيتساريالىق قاتىسۋمەن 436 زاڭدى تۇلعا, بولىمشەلەر مەن وكىلدىكتەر تىركەلگەن