قازاقستان فۋتبول فەدەراتسياسىنىڭ قىزمەتكەرلەرى استانانىڭ 20 جىلدىق مەرەيتويىنا جانە ەۋروكۋبوگ ويىندارىنا قاتىسىپ جاتقان قازاقستاندىق كلۋبتاردى قولداۋ ماقساتىندا استاناداعى قاجىمۇقان مۇڭايتپاسوۆ اتىنداعى ستاديونىندا پرەزيدەنتتىك سىناققا قاتىسىپ, 2,5 شاقىرىم جۇگىردى.
بۇقارالىق شاراعا قازاقستان فۋتبول فەدەراتسياسىنىڭ باس حاتشىسى ازامات ايتقوجيننان باساتپ, قازاقستان فۋتبول فەدەراتسياسى پرەزيدەنتىنىڭ كەڭەسشىسى سەيىلدا بايشاقوۆ, ۇلتتىق قۇرامانىڭ جاتتىقتىرۋشىلارى ستانيمير ستويلوۆ, تسانكو تسۆەتانوۆ, سايد يبرايموۆ , قازاقستان جاستار قۇراماسىنىڭ اعا جاتتىقتىرۋشىسى تالعات بايسۋفينوۆ جانە فەدەارتسيانىڭ تاعى باسقا ءبىر توپ وكىلدەرى قاتىستى.
– استانادا كۇن رايى ىستىقتاۋ بولعانىمەن, مەرەكە ءۇشىن, كوماندالارىمىزدى قولداۋ ءۇشىن بۇل بىزگە كەدەرگى بولا المايدى. سونداي-اق اپتاسىنا ەكى رەت فۋتبول فەدەراتسياسىنىڭ وكىلدەرىمەن دوپ تەۋىپ, جۇگىرىپ ءاردايىم دەنەمىزدى شىنىقتىرىپ تۇرامىز. سوندىقتان بۇل ءبىز ءۇشىن ۇيرەنشىكتى جاعدايى. وزدەرىڭىز بىلەتىندەي, كۇنى كەشە قوستانايدىڭ «توبىلى» ەۋروكۋبوگتى جەڭىسپەن باستاپ بەردى, قالعان كوماندالار دا جەڭىس ءۇشىن ايانىپ قالمايدى دەپ ويلايمىن. سول ءۇشىن فۋتبولشىلارعا وسىنداي قولداۋ ءبىلدىرىپ جاتىرمىز, – دەيدى فۋتبولدان ۇلتتىق قۇراما جاتتىقتىرۋشىسىنىڭ كومەكشىسى قايرات نۇرداۋلەتوۆ.
ءالي بيتورە,
«ەگەمەن قازاقستان»