ەلباسى نۇرسۇلتان ءابىش ۇلى نازارباەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن كەڭىنەن ناسيحاتتاۋ اياسىندا تۇركىستان وبلىسىنىڭ مادەنيەت جانە تىلدەردى دامىتۋ باسقارماسىنىڭ ۇيىمداستىرۋىمەن مەكتەپكە دەيىنگى مەكەمەلەردىڭ بۇلدىرشىندەرى اراسىندا «بالا شاقتان بولاشاققا – انا تىلىمەن» اتتى وبلىستىق بايقاۋ ءوتتى.
ونەر مەن ءبىلىم دوداسىنىڭ ماقساتى - مەملەكەتتىك ءتىلدىڭ قولدانۋ اياسىن كەڭەيتۋ, جاس بۇلدىرشىندەردى ىنتالاندىرۋ, سونداي-اق ەلىمىزدەگى ءاربىر وتباسىن, قوعامىمىزدىڭ ءاربىر مۇشەسىن قازاق ءتىلىنىڭ مەرەيلى مارتەبەسىن قامتاماسىز ەتۋگە, جان-جاقتى وقىپ ۇيرەنۋگە جانە قولدانۋعا, قازاقستاندىق پاتريوتيزم ۇعىمىن تەرەڭ تۇسىنە وتىرىپ, ۇلتتىق ءتىلىمىزدى رۋحاني قۋات, جاسامپازدىق ءۇردىس, مەملەكەتىمىزدىڭ كەلەشەگى, ەلىمىزدىڭ ەرتەڭى رەتىندە جۇمىلدىرۋ, قازاقتىڭ سالت-ءداستۇرى مەن ادەت-عۇرپىن جاس ۇرپاققا ۇيرەتىپ, انا تىلىندە سويلەۋدى ۇلتتىق ماقتانىشقا اينالدىرۋ, وزىق تاجىريبەلەردى ناسيحاتتاۋ, وتانىن, ەلىن, جەرىن سۇيۋگە تاربيەلەۋ.
ءوڭىرىمىزدىڭ بارلىق اۋدان, قالاسىنان 6 جاسقا دەيىنگى 15 ۇمىتكەر «ماقال-ماتەلدەر دانالىققا باستايدى» اتتى ماقال-ماتەلدەر مەن ناقىل سوزدەر ايتۋ جانە «ونەرلىگە ءورىس كەڭ» اتتى ءان, بي, ولەڭ وقۋدان ەركىن تاقىرىپتا ءتىل, تۋعان جەر, وتان, استانا, ءوز تۋىندىسى بويىنشا ەكى اتالىمنان سايىسقا ءتۇستى.
تۇڭعىش رەت ۇيىمداستىرىلعان سايىس بارىسىندا قاتىسۋشىلاردىڭ بىلىمدىلىگى مەن تاپقىرلىعى, بەلسەندىلىگى, كيىم ۇلگىسى مەن شىعارمانىڭ كۇردەلىلىگى جانە كوركەمدىگىنە باسا نازار اۋدارىلدى.
قازىلار القاسىنىڭ شەشىمىمەن باس جۇلدەگە وتىرار اۋدانىنىڭ قاتىسۋشىسى ءتاجىباي سەزىم جاڭابايقىزى لايىق دەپ تانىلدى. ءبىرىنشى ورىن سوزاق اۋدانىنىڭ جاس ماقالشىسى بولاتبەك ءىنجۋ اسەتقىزىنا بەرىلسە, ەكىنشى ورىنمەن شاردارا اۋدانىنان كەلگەن جاس دارىن ءراحمانالى نازىم, ءۇشىنشى ورىنمەن تولەبي اۋدانىنىڭ جاس ءتىل شەبەرى راشيد ءالي قايرات ۇلى ماراپاتتالدى.
بايقاۋ جەڭىمپازدارى مەن قاتىسۋشىلارى ديپلومدار جانە ارنايى سىيلىقتارمەن ماراپاتتالدى.