ءبىر كىتاپقۇمار دوسىمىز بار. «كىشكەنتاي كەزىم. مەكتەپتە وقيمىن. اۋىلداعى كىتاپحاناعا كۇنارا بارام.
الدىندا «مەنىڭ اتىم – قوجا» سەكىلدى بالالارعا ارنالعان كىتاپتاردى وقىپ جۇرگەنمىن. ولار تاۋسىلعان سوڭ ەرەسەكتەرگە ارنالعان كىتاپتارعا ءتىس باتىرا باستادىم. ءبىر كۇنى قىلقيىپ تاعى بارسام كىتاپحاناشى اپايىمىز ك ۇلىپ: ء«اي, سەن وسىنداعى بارلىق كىتاپتى وقىپ تاستادىڭ. جاڭاسىن قايدان تاۋىپ بەرەمىن», دەپ كۇلدى. سونداعى قورىققانىم-اي. راسىندا كىتاپحاناداعى كىتاپتاردىڭ ءبارىن وقىپ تاستاسام, جاڭاسى جوق بولسا, ءىشىم پىسىپ ولەمىن عوي دەيدى دوسىم.
بۇگىندە سول دوس قازاقتىڭ كورنەكتى عالىمدارىنىڭ ءبىرى. ءوزى دە تالاي كىتاپ جازىپ تاستادى.
بىراق بۇگىندە «كىتاپحانادا كىتاپ تاۋسىلىپ قالادى-اۋ» دەپ قورقاتىن بارماقتاي بالالار ازايىپ بارادى. ءبىرىن-ءبىرى تەز اۋىستىراتىن ءبىلىم مينيسترلەرى رەفورماشىل بولىپ الدى. شەتەلدەن نە كورسە, ءبىلىم سالاسىنا تاڭادى. سونىڭ سالدارىنان ويىنداعىسىن اۋىزشا جەتكىزىپ ايتۋعا سوزدىك قورى جەتپەيتىن جاستار كوبەيدى.
بۇگىندە كىتاپحاناشىلاردىڭ موينىنا كاتەپتى قارا نارلار كوتەرەتىندەي جۇك ءتۇسىپ تۇر. كىتاپپەن دوس بولعان بالانىڭ ءبىلىمدى بولۋدان بولەك, ادامگەرشىلىگى مول, ىزگى ازامات بولاتىندىعىن عالىمدار ايتىپ ءجۇر. جاقسى كىتاپ – دانالىققا جەتەلەيدى. سوندىقتان قىزىلوردالىق كىتاپحاناشىلار وقۋشىلاردىڭ جازعى كانيكۋل كەزىندە كىتاپ وقۋعا قىزىعۋشىلىعىن ارتتىرۋ ءۇشىن جاڭا جوبالاردى قولعا الدى. بۇگىندە كىتاپحانادا كىشكەنتايدان كىتاپ وقۋعا ۇيرەتەتىن «كىتاپپەن بىرگە وسەمىز!» باعدارلاماسى, «بيبليونيانيا», «كىتاپحاناداعى تۋعان كۇن» جوبالارى جانە «كىتاپپەن وتكەن جاز قىزىق» جازعى وقۋ باعدارلاماسى اياسىندا جۇمىس جۇرگىزىلۋدە. مەكتەپ جانىنداعى لاگەرلەر مەن بالالار باقشاسىنا بيبليودەسانتتار ۇيىمداستىرىلىپ تۇرادى.
بالالاردى وقۋعا ۇيرەتۋ جانە كىتاپحاناعا وقىرمان تارتۋ ماقساتىندا كىتاپحاناشىلار سىرداريا اۋدانىنداعى №35 ي.توقتىباەۆ اتىنداعى مەكتەپ-ليتسەيدىڭ جازعى تىنىعۋ لاگەرىندەگى بالالارعا ساياحات جاسادى.
بالالار كىتاپحانا تاريحىمەن, بولىمدەرمەن, «تاۋەلسىز قازاقستان زالىمەن», ءا.تاجىباەۆ اتىنداعى مۋزەيمەن تانىستى. بالالار ءبولىمىنىڭ وقۋ زالىندا «مەن جانە مەنى قورشاعان الەم», «نەلىكتەن؟ نەگە؟ نە ءۇشىن؟» تاقىرىپتارىنا قىزىقتى ويىندار مەن ۆيكتورينالار ۇيىمداستىرىلدى. «كىتاپتار دەمالمايدى» اتتى كىتاپ كورمەسىندەگى جاڭا ادەبيەتتەرمەن تانىستى.
كىتاپ وقۋ ادامنىڭ جانىن تازارتادى, ومىرگە قۇشتارلىعىن وياتادى دەيدى. ەڭ باستىسى, جانى باي ادام بولماق. قىزىلوردا وبلىسى كىتاپحاناسىندا وسىنداي جوبالار قولعا الىندى. ول جاز بويى بارلىق كىتاپحانالاردا جالعاسىن تاپپاق.
باقتيار تايجان, «ەگەمەن قازاقستان»
قىزىلوردا وبلىسى