جاڭابۇلاق اۋىلىندا كوۆوركينگ ورتالىعى اشىلدى

اۋىلداعى ءمودۋلدى كىتاپحانا بازاسىندا اشىلعان كوۆوركينگ ورتالىعى 4 الاڭنان تۇرادى. سونىڭ ءبىرى «Relax» ايماعىندا بوس ۋاقىتتى ءتيىمدى وتكىزۋگە – كاراوكەمەن ءان ايتۋعا, دومبىرا, گيتارا شەرتۋگە, ونەر, مۋزىكا تاقىرىبىندا كىتاپ وقۋعا, توعىزقۇمالاق, شاحمات, تاعى باسقا ويىن ويناۋعا بولادى. ال «Kids coworking center»-دە بالالار قاۋىپسىز سايتتاردى پايدالانىپ, قولونەر ۇيىرمەسىنە قاتىسادى, قۋىرشاق تەاترىنىڭ قويىلىمدارىن تاماشالايدى. ال «رۋحاني جاڭعىرۋ» الاڭىندا ءتۇرلى فورماتتاعى كىتاپحانالىق-اقپاراتتىق رەسۋرستاردى پايدالانۋ, شەبەرلىك-ساباقتارىن, زياتكەرلىك ويىندار, دارىستەر وتكىزۋ قاراستىرىلعان.

وسى الاڭداعى English club-تا «لاتىن ءالىپبيى گرافيكاسى», «كومپيۋتەرلىك ساۋاتتىلىق», «شىعارماشىلىق اتموسفەرا» بۇرىشتارى جاساقتالعان. Open-space اشىق كەڭىستىك الاڭى wi-fi ايماعى رەتىندە پاي­دالانۋعا بەرىلىپ, مۇندا بيز­نەس-سەرىكتەستىك, ىسكەرلىك قۇ­جاتتار جاساقتاۋعا بولادى ەكەن. ورتالىقتا «كي­نومان», «مۋلتيمان» كلۋبتارى دا جۇمىس ىستەمەك.

جاڭابۇلاقتاعى جاڭا ورتا­لىقتىڭ اشىلۋ سالتاناتىنا استانادان «ازاماتتىق باس­تامالاردى قولداۋ ور­تا­لىعى» كوممەرتسيالىق ەمەس اكتسيونەرلىك قوعامىنىڭ تور­­اعاسى نۇرلان وتەشوۆ, ب­ا­تىس قازاقستان وب­لىس­تىق جاستار ساياساتى باس­قار­­ماسىنىڭ باسشىسى ايان سا­قوشەۆ, ج.مولداعاليەۆ اتىن­­داعى وبلىستىق عىلىمي ام­بەباپ كىتاپحاناسىنىڭ دي­رەك­تورى شولپان وراز­عا­ليە­ۆا, ح.ەسەنجانوۆ اتىن­داعى وبلىستىق بالالار مەن جاسوسپىرىمدەر كىتاپ­حانا­سىنىڭ ديرەكتورى زۆايدا وتە­شوۆا, ءبولىم, مەكەمە باسشىلارى, جاستار, اۋىل تۇرعىندارى قا­تىستى.

– ەلباسى نۇرسۇلتان نازارباەۆتىڭ تاپسىرماسىمەن قولعا الىنعان «تسيفرلى قازاق­ستان» باعدارلاماسى كىتاپ­حانالىق رەسۋرستاردى تسيفر­لى فورماتقا كوشىرۋدى تالاپ ەتەدى. جانە اۋىل كىتاپحانالارى تەك قىزمەت كورسەتۋ مەكەمەسى ەمەس, زامان تالابىنا ساي اۋىل­داعى زياتكەرلىك دەمالىس ورنىنا اينالۋى ءتيىس. اشىلعان ورتالىق وسىنىڭ ايعاعى, – دەدى اقجايىق اۋدانىنىڭ اكىمى ءادىل جولامانوۆ.

قازبەك قۇتتىمۇرات ۇلى, «ەگەمەن قازاقستان»

باتىس قازاقستان وبلىسى