ستۋدەنتتەردى جاتاقحانامەن قامتاماسىز ەتۋگە باعىتتالعان جۇمىستار كەيبىر وڭىردە مۇلدەم قولعا الىنباعان. بۇل تۋرالى بۇگىن ۇكىمەت وتىرىسىندا قر پرەمەر-ءمينيسترى باقىتجان ساعىنتاەۆ ايتتى, دەپ حابارلايدى قازاقپارات.
ء«بىز سوڭعى ايلاردا كوپ وڭىرلەرگە ەسكەرتۋ جاسادىق. كورىپ وتىرمىز, جارتى جىلدىڭ قورىتىندىسى بويىنشا اسىرەسە سوڭعى ايدا ۇلكەن وزگەرىستەر بولدى. سوعان قاراماستان مىسالى ءۇي قۇرىلىسىنا كەلەتىن بولساق كوپقاباتتى ۇيلەردى پايدالۋعا بەرۋ الماتى وبلىسىندا - 20, اتىراۋ وبلىسىندا - 45, جامبىل وبلىسىندا - 35, تۇركىستان وبلىسىندا - 30, الماتى قالاسىندا 56 پايىزدى قۇرايدى. قىزىلوردا وبلىسىندا بىردە-ءبىر ءۇي جوق. جارتى جىل ءوتتى, سول 20-30 پايىزدىڭ سوڭىندا ءجۇرمىز», - دەدى ۇكىمەت باسشىسى.
سونىمەن قاتار پرەمەر-مينيستر ەلباسىنىڭ 5 الەۋمەتتىك باستاماسىندا كوتەرىلگەن ستۋدەنتتەردى جاتاقحانامەن قامتۋ تاپسىرماسىن ورىنداۋدا دا كەمشىلىكتەر ورىن الىپ جاتقانىن باسا ايتتى.
«قاجەتتى قارجى بەرىلگەن, جۇمىستىڭ بارلىعى اتقارىلدى دەپ بايانداپ وتىرسىزدار. ال ەلباسىنىڭ 5 الەۋمەتتىك باستاماسىنا كىرەتىن جاتاقحانا ماسەلەسىنە كەلەتىن بولساق, 8 وڭىردە عانا جاتاقحانا بەرۋگە قول جەتكىزىلگەن. ولار: اقمولا, الماتى, اتىراۋ, بقو, قاراعاندى, شقو, استانا مەن الماتى قالالارى. باسقا وڭىرلەردە بىردە-ءبىر جاتاقحانا, بىردە-ءبىر شارشى مەتر پايدالانۋعا بەرىلمەگەن. وسىنى ەسكەرىڭىزدەر», - دەدى باقىتجان ساعىنتاەۆ وبلىس اكىمدەرىنە قاراتا.