استانانىڭ 20 جىلدىعىنا جانە قازاقستان پرەزيدەنتىنىڭ تۋعان كۇنىنە وراي كەزدەسۋ ءوتتى, دەپ حابارلايدى اقوردانىڭ ءباسپاسوز قىزمەتى.
مەملەكەت باسشىسى نۇرسۇلتان نازارباەۆتى تۋعان كۇنىمەن جانە ەلوردانىڭ مەرەيتويىمەن قازاقستان رەسپۋبليكاسى پارلامەنتى سەناتى مەن ءماجىلىسىنىڭ توراعالارى, پرەمەر-مينيستر, مەملەكەتتىك حاتشى, پرەزيدەنت اكىمشىلىگىنىڭ باسشىسى, «سامۇرىق-قازىنا» اكتسيونەرلىك قوعامىنىڭ باسقارما توراعاسى, پرەزيدەنت اكىمشىلىگىنىڭ باسشىلىق قۇرامى, ورتالىق مەملەكەتتىك ورگانداردىڭ باسشىلارى جانە استانا قالاسىنىڭ اكىمى قۇتتىقتادى.
نۇرسۇلتان نازارباەۆقا «استاناعا 20 جىل» مەرەيتويلىق مەدالى سالتاناتتى جاعدايدا تاپسىرىلدى. شاراعا قاتىسۋشىلار قازاقستان پرەزيدەنتىنە زور دەنساۋلىق, باقىت جانە جاۋاپتى قىزمەتتە جاڭا تابىس تىلەدى.