جەزقازعان قالالىق ىشكى ىستەر بولىمىندە جۇرگىزۋشى بولىپ جۇمىس ىستەيتىن پوليتسيا ستارشيناسى جولاۋشى احانوۆتى قولىنان كەلمەيتىنى جوق شەبەر دەپ سەنىممەن ايتۋعا بولادى. ول جۇمىستان تىس ۋاقىتتا داۋرەنى ءوتىپ, «دەمالىسقا» كەتكەن قىزمەتتىك اۆتوماشينالاردى جوندەپ, قاتارعا قوسۋمەن اينالىسادى.
تەگىندە, ءتارتىپ ساقشىلارىنىڭ جۇمىسى وتە قاۋىرت. سايكەسىنشە قىزمەتتىك كولىكتەرگە, ونىڭ ىشىندە پاترۋلدىك اۆتوماشينالارعا كۇنى-ءتۇنى تىنىم جوق. سول سەبەپتى ولاردىڭ عۇمىرى دا قىسقا بولىپ كەلەدى. قانشا جەردەن جاماپ-جاسقاپ, جوندەگەنمەن تەمىردىڭ دە توزباي تۇرمايتىنى بەلگىلى.
ال پوليتسيا قىزمەتكەرى جولاۋشى احانوۆ بۇل ماسەلەگە باسقا قىرىنان كەلىپ, جوقتان بار جاساپ ءجۇر. العاش رەت ول «ۋاز» اۆتوماشيناسىن وسىدان ءۇش جىل بۇرىن قالپىنا كەلتىرگەن بولاتىن. بۇگىنگە دەيىن ول ساناتتان سىزىلىپ قالعان ءۇش قىزمەتتىك اۆتوكولىكتى جوندەپ, ىسكە جارامدى ەتكەن.
پوليتسيا قىزمەتكەرىنە مۇنى ىستە دەپ جاتقان ەشكىم جوق, بۇل – ونىڭ قولى بوستا ءوز قالاۋىمەن اينالىساتىن سۇيىكتى ءىسى. وسى ءۇشىن جولاۋشى احانوۆ اقى العان ەمەس. دەگەنمەن پوليتسيا باسشىلىعى ستارشينانىڭ بۇل پايدالى ىسىنە مۇمكىندىگىنشە قولداۋ كورسەتىپ وتىرادى. مىسالى, ول قاراعاندى وبلىستىق ءىىد باسشىلىعى تاراپىنان بىرنەشە رەت ماراپاتتالعان.
قايرات ءابىلدا,
«ەگەمەن قازاقستان»
قاراعاندى وبلىسى,
جەزقازعان قالاسى