قازاقستاندا كيبەرسپورت رەسمي تۇردە سپورت ءتۇرى دەپ تانىلدى. بۇل تۋرالى قر سپورت جانە دەنە شىنىقتىرۋ ىستەرى كوميتەتىنىڭ سايتىندا حابارلاندى.
كيبەرسپورت جاناشىرلارىنىڭ قۇرعان Qazaq Cybersport Federation رەسپۋبليكالىق قوعامدىق بىرلەستىگى قر مادەنيەت جانە سپورت مينيسترلىگىنىڭ تاراپىنان قولداۋ مەن ىقىلاسقا يە بولدى.
"بۇگىندە ەلەكتروندىق سپورتتى دامىتۋعا كەشەندى ماقساتتى باعدارلاما جاسالىپ, حالىقارالىق بەيىندىك ۇيىمدارعا قوسىلۋ ءۇشىن جۇمىس جۇرگىزىلىپ جاتىر. رەسمي تۇردە تانىلعان جانە فەدەراتسيادان اككرەديتاتسيادان وتكەن ۇيىم ەندى رەسمي تۇردە ەلىمىزدى حالىقارالىق الاڭداردا وكىلدىك ەتە الادى" , - دەلىنگەن فەدەراتسيانىڭ ينتەرنەت-رەسۋرسى (www.qcf.kz ينتەرنەت) تاراتقان حابارلامادا.
2017 جىلدىڭ قازان ايىندا كيبەرسپورتتى حالىقارالىق وليمپيادا كوميتەتى وليمپيادالىق سپورت ءتۇرى رەتىندە تانۋ ماسەلەسىن قاراۋعا الدى. ساراپشىلاردىڭ مالىمەتى بويىنشا, 2017 جىلى كيبەرسپورت نارىعىنىڭ اينالىمى 655 ميلليون دوللار بولعان, ال 2021 جىلى ونىڭ اينالىمى 1,6 ميلليارد دوللاردان اسادى دەگەن ءۇمىت بار.